Edimburgo: Diferenzas entre revisións

A cidade atópase na costa leste de [[Escocia]] á beira do [[estuario do Forth]] e na autoridade local da ''Cidade de Edimburgo''. Edimburgo é capital de [[Escocia]] dende [[1437]] e é a sede do goberno [[Escocia|escocés]]. A cidade foi un dos centros máis importantes da educación e cultura durante a [[Ilustración|Era de Ilustración]], grazas á [[Universidade de Edimburgo]]. Os distritos, '''The Old Town''' e '''New Town''', os cales forman parte do centro da cidade, foron nomeados pola [[UNESCO]] como [[Patrimonio da Humanidade]] en [[1995]]. De acordo co censo do [[2001]], '''Edimburgo''' posúe unha poboación de aproximadamente 448.624 habitantes.

Despois de ser atacada e conquistada polos [[Bernicia|bernicianosbernicia]]nos [[anglosaxóns]] o nome mudou para '''''Edin-burh''''', o cal crese que deriva do [[anglosaxón]] e que significa "Forte de Edwin", posibelmente referíndose ao rei do [[século XII]], [[Edwin de Northumbria]]. Porén, como o nome é anterior ao rei [[Edwin de Northumbria|Edwin]], é moi improbábel que sexa certo. O elemento ''[[burgo]]'' é moi común entre os nomes de cidades [[Escocia|escocesas]] e en todas as [[linguas xermánicas]], e denomina a unha clase de cidade caracterizada por crecer arredor dunha estrutura fortificada, como un forte ou un castelo.

Edimburgo tamén é chamada “A [[Atenas]] do Norte” por moitas razóns. A primeira é pola súa semellante [[topografía]], co ''Old Town'' de Edimburgo xogando o mesmo papel cá [[Acrópole de Atenas|Acrópole]]. As dúas teñen terra chá e fértil que se inclina cara ao [[Porto (comunicacións)|Porto]] a quilómetros de distancia. Aínda que esta clase de [[topografía]] é común no Sur de Europa, na Europa setentrional é algo raro. A época intelectual do [[século XVIII]], ás veces referida como a [[Ilustración|Ilustración Escocesa]], foi o punto clave en conseguirlle este alcume. Figuras ilustres como [[David Hume]] e [[Adam Smith]] viviron durante esta época. Ao perderen a súa importancia política, moitos agardaban que Edimburgo puidera ter un impacto semellante en [[Londres]] como o tivera [[Atenas]] con [[Roma]]. Outro factor importante foi a súa arquitectura [[Neoclasicismo|neoclásica]], particularmente a de [[William Henry Playfair]], e o Monumento Nacional de Edimburgo.

Ao oeste do castelo atópase o distrito financeiro, que contén edificios bancarios e de seguros. Probabelmente o edificio máis engailante da zona sexa o Centro Internacional de Conferencias de Edimburgo, ou ''Edinburgh International Conference Centre'' co seu grande edificio circular feito en pedra de gra.

No censo do 2005, segundo as estimacións da ''General Register Office for Scotland'', a cidade tiña unha poboación residente de 457.830 habitantes.<ref>{{Cita web |url=http://www.gro-scotland.gov.uk/press/2006-news/scotlands-population-rises-for-third-year-in-a-row.html |título=Mid Year Population Estimates, 2006 |dataacceso=2007-01-28 |editor=General Register Office for Scotland, 2006 }}</ref> No censo do 2001 a cidade tiña unha poboación de 448.624, sendo a sétima cidade máis poboada do [[Reino Unido]], e a segunda da [[Escocia]], despois de [[Glasgow]].<ref>{{Cita web |url=http://download.edinburgh.gov.uk/Census_2001_City_Comparisons/CCTable1Population.pdf |título=City Comparisons Table |dataacceso=2007-01-28 |editor=Edinburgh City Council }}</ref>

A economía de Edimburgo baséase en gran parte no [[sector servizos]], o [[turismo]] nos servizos financeiros particularmente importantes, e na educación e nas investigacións de altas tecnoloxías. O Banco de Escocia foi fundado en [[1695]], nun acto no Parlamento Escocés orixinal. O Royal Bank of Scotland foi fundado en [[1747]] por [[Real Cédula]] é constitúe o quinto banco máis grande do mundo por capitalización.

A [[Universidade de Edimburgo]] creouse [[1583]] por orde dunha carta real, sendo a cuarta universidade máis vella da [[Escocia]]. A parte máis vella da universidade que se emprega na actualidade (Old College) atópase en South Bridge e data de [[1820]]. Co aumento do número de estudantes, construíronse novos edificios en George Square onde continúa a darse clase; na actualidade co crecemento do número de estudantes, estanse a facer novos planos de ampliación.

O aeroporto de Edimburgo, situado no distrito de Turnhouse, 8 &nbsp;km ao oeste da cidade, é a principal porta de entrada internacional da cidade. O aeroporto é manexado pola BAA Limited, compañía que se ocupa tamén dos aeroportos de [[Londres]] (Heathrow, Gatwik e Stansted), e dos aeroportos de [[Glasgow]], [[Aberdeen, Escocia|Aberdeen]] e [[Southampton]]. O aeroporto de Edimburgo posúe moitos destinos nacionais e internacionais, e ve pasar cada ano uns 8 millóns de pasaxeiros. As previsións agardan que chegue aos 26 millóns de pasaxeiros para o 2030<ref>D’après [http://www.scotland.gov.uk/Publications/2005/10/20154547/45474 Scotland.gov.uk]</ref>.

A estación de Waverley é a principal de Edimburgo. A estación atópase no centro da cidade, moi preto dos xardíns de Princes Street. Esta é empregada cada ano por máis de 13 millóns de viaxeiros, sendo a principal estación na [[''East Coast Main Line'']] (ECML), liña de tren que comunica [[Londres]] e [[Edimburgo]], pasando por [[Yorkshire]], [[Nordeste de Inglaterra|North East England]] e outras pequenas rexións entre ambas as dúas cidades. A GNER (''Great North Eastern Railway'') e ''Virgin Trains'' son as compañías ferroviarias que operan con trens de alta velocidade na [[ECML]]. Dentro da [[Escocia]] o fai a ''First ScotRail''.

Na actualidade a cidade de Edimburgo non posúe ningunha liña de tranvía. Como moitas cidades do [[Reino Unido]], Edimburgo tivo tranvía no pasado; este tiña algunhas liñas que circulaban polos distritos de Leith e Portobello, mais foi eliminado o [[16 de novembro]] de [[1956]].</br />

* ''[[Edinburgh Festival Fringe]]:'' é o festival máis importante a nivel mundial de arte na rúa<ref> [http://www.edfringe.com/area.html?id=48 edfringe.com]</ref>.