Forzas armadas: Diferenzas entre revisións

O estudio do emprego das forzas armadas coñécese como [[ciencia militar]]. En termos xerais, implica a consideración de ataque e defensa en tres niveis: [[estratexia]], [[arte operativo]] e [[táctica]]. Cada un destes niveis estuda o uso da forza para alcanzar uns determinados obxectivos.

 

As forzas armadas dun país divídense en ramas. Na maioría dos casos existen tres ramas dentro das forzas armadas: un exército de terra, unha mariña de guerra e unha forza aérea. En países pequenos ou con forzas armadas de escasa entidade esta división das forzas armadas non existe, estando a totalidade dos recursos militares agrupados nunha única institución. Noutros casos existe algunha rama adicional a estas tres, ben pola importancia da súa función o por tradición histórica. É o caso, por exemplo, da [[Infantería de Mariña dos Estados Unidos]] ou as [[Tropas de Mísiles Estratéxicos de Rusia]]. Ademais, poden existir outras ramas das forzas armadas que non sexan estritamente militares, como o caso dos corpos policiais militarizados, por exemplo a [[Garda Civil]] española, a [[Xendarmería]] francesa ou os [[Carabinieri]] italianos.

 

En cada rama das forzas armadas existen corpos que dividen aos seus membros segundo a súa especialización. Así, atopamos corpos de [[infantaría]], [[cabalaría]], [[artillaría]], enxeñaría militar, sanidade, loxística, intendencia ou música.

 

 

Segundo o grao de profesionalización dos membros que compoñen as forzas armadas, estas pódense dividir en tres tipos:

* '''Exército irregular''': tamén chamado milicia. Trátase de cidadáns que habitualmente desempeñan outros oficios e que reciben instrución militar de forma ocasional. En caso de [[Guerra|conflito bélico]] son mobilizados e levados ao combate. Este tipo de tropa, se ben era o habitual na antigüidade, actualmente emprégase como complemento a forzas máis preparadas.