[[Ficheiro:Applesauce.jpg|thumb|Pratiño con compota de mazá.]]
A '''compota de mazá''' é unha [[compota]] elaborada con [[mazá]]s xa peladas e adozada con [[azucre]]. É frecuente engadir algunha especia coma [[canela]], [[vainilla]], etcétera. A facilidade de elaboración convértea nun prato caseiro común que se soeacostuma tomar como [[sobremesa]]. Atópase tamén envasada en [[supermercado]]s. En Galicia era un prato típico da [[Noiteboa]]; ademais de canela adóitaselle engadir [[viño branco]] á auga de cocedura<ref>[[Eladio Rodríguez González]] (1958-1961): ''Diccionario enciclopédico gallego-castellano'', Galaxia, Vigo</ref>.
== Usos ==
Ademais do seu uso coma sobremesa, a compota de mazá pode acompañar pratos salgados. Nas cociñas [[Gastronomía de Alemaña|alemá]] e [[Gastronomía de Suecia|sueca]], soeadoita atoparse cocida e aromatizada con [[vinagre]] suave, xunto con [[lombarda]]. O mesmo que en Galicia, é un [[Gastronomía de Nadal|prato típico de Nadal]] en [[Alemaña]] onde se serve co ''[[Weihnachtsgans]]'' (''ganso de Nadal''). En Francia acompaña tradicionalmente á [[morcilla]] de sangue e emprégase frecuentemente coma gornición de pratos de carne de porco, [[veado]] e aves de caza. Na [[Gastronomía de Inglaterra|cociña inglesa]] a compota ou puré de mazá sérvese acompañando a pratos de carne, xeralmente de [[carne de porco]], mais non é un [[salsa (gastronomía)|mollo]] malia o que suxestiona o seu nome en [[Lingua inglesa|inglés]], ''apple sauce''.
