O '''Vigo Foot-ball Club''', foi un equipo de fútbol da cidade de [[Vigo]], fundado no ano [[1905]].
==Traxectoria==
[[Vigo]] foi unha das cidades polas que entrou o fútbol na península, de man de mariñeiros e traballadores británicos. As primeiras demostracións do deporte foron por parte do equipo promovido en [[1895]] pola empresa británica que estaba instalando o cable telegráfico entre as illas e Vigo para dende alí conectar con [[Lisboa]],. esteEste equipo chamouse ''Exiles Cable Club'' e disputou varios encontros contra as tripulacións mercantes e militares británicas de paso polo porto vigués. Pronto se crearon os primeiros equipos mixtos entre galegos e británicos, como por exemplo o ''Petit FC''.
Seguindo o exemplo de [[Barcelona]], onde en [[1899]] se fundaron o [[FC Barcelona]] e o [[FC Catalá]], en [[Vigo]] reflexouse o tirón que tivo o fútbol nesa época fundouse en [[1905]] o Vigo Foot-ball Club e o [[Real Club Fortuna de Vigo|Fortuna Foot-ball Club]]. O Vigo F.C. vestiría unha camisa metade branca e metade vermella con pantalón branco, e xogaba no ''Campo de Coia''
Dende as súas orixes foi o club referencia e absorveabsorbiu en [[1906]] ao ''New Club'', formado pouco antes, consolidando un proxecto que o levou a disputar a final do [[Copa do Rei de fútbol|Campionato de España]] en [[1908]] ante o [[Real Madrid]], final que perdeu por 2-1.
En [[1910]] absorbe ao [[Español FC]] e no ano [[1911]] fusionasefusiónase co [[Sporting Club]] formando o Vigo Sporting Club, que tres anos despois recibiu o título de Real, pasando a ser o [[Real Vigo Sporting Club]]. Este á súa vez uniuse ao [[Real Club Fortuna de Vigo]] para dar lugar ao nacemento do [[Real Club Celta de Vigo]] no ano [[1923]].
