Federación de Sociedades Gallegas Agrarias y Culturales: Diferenzas entre revisións

Constituíuse o 24 de setembro de 1921. Foi fundada por [[Antón Alonso Ríos]], [[Ángel Martínez Castro]] e [[Bonifacio Botana]], en representación das sociedades Hijos del Ayuntamiento de Silleda e Comité Auxiliar de las Sociedades Agrícolas de Puenteareas. O seu primeiro presidente foi Ángel Martínez Castro. Tiña por obxectivo coordinar as asociacións locais e potenciar os valores de Galicia, a través da organización de conferencias, exposicións de arte e veladas literarias. Editaba o periódico ''[[El Despertar Gallego (1922)|El Despertar Gallego]]''. A loita entre nacionalistas e non nacionalistas provocou a ruptura da federación en [[1929]] e a creación da [[Federación de Sociedades Gallegas de Buenos Aires]], de orientación socialista. Ao proclamarse a [[Segunda República Española|Segunda República]] en [[España]] enviou como delegados a Alonso Ríos, [[Pedro Campos Couceiro]] e [[Ramón Suárez Picallo]], que colaboraron na redacción do estatuto galego. A partir de 1930 ''El Despertar Gallego'' foi substituído por ''[[Galicia (revista da Federación de Sociedades Gallegas)|Galicia]]''.