A importancia da actividade da ATPase V na secreción renal de protóns está suliñada pola enfermidade hereditaria [[acidose tubular renal]] distal. En todos os casos, a acidose tubular renal orixínase polo fallo dos mecanismos renais normais que regulan o pH sistémico. Hai catro tipos de acidose tuhbulartubular renal. O tipo 1 é a acidose tubular renal distal e orixínase polo fallo no [[conduto colector cortical]] para acidificar o pH da [[urina]] por debaixo de 5. {Alper, 2002}. Algúns pacientes con acidose tubular renal distal autosómica recesiva tamén presenta unha [[xordeira sensorineural]] {Karet, 1999}. A herdanza deste tipo de acidose tubular renal depende de mutacións na subunidade isoforma B1 da ATPase V ou na isoforma a4 ou mutacións da [[banda 3]] (tamén chamada AE1), un intercambiador Cl<sup>-</sup>/HCO3<sup>-</sup> {Stehberger, 2003; Karet, 1999; Karet, 1998}. Sábese que hai doce mutacións diferentes na isoforma B1 da ATPase V (Stover, 2002) e vinte e catro mutacións na a4 orixinan a acidose tubular renal distal {Smith, 2000; Karet, 1999; Stover, 2005}. Os estudos de [[PCR]] e [[transcrición inversa]] mostraron a expresión da subunidade a4 subunit nas células intercaladas renais e na [[cóclea]] do oído {Stover, 2002}. A acidose tubular renal distal causada por mutacións no xene da subunidade a4 nalgúns casos pode asociarse coa xordeira debido ao fallo na acidificación normal da [[endolinfa]] do [[oído interno]] {Stehberger, 2003}.
