NF-κB: Diferenzas entre revisións

Un selecto grupo de estímulos de [[diferenciación celular]] ou desenvolvemento celular, tales como a [[linfotoxina-α]], [[BAFF]] ou [[RANKL]], activan a vía non canónica do NF-κB para inducir a formación do dímero NF-κB/RelB:p52 no núcleo. Nesta vía, a activación da [[quinase]] indutora do NF-κB (NIK) por ligación ao receptor induce a fosforilación e o posterior procesamento [[proteasoma|proteasomal]] da proteína p100 precursora de NF-κB2 para formar a subunidade p52 madura a través dunha vía dependente de IKK1/IKKa. Despois, a p52 dimeriza con RelB para aparecer como RelB:p52 nuclear con actividade de unión ao ADN e regular unha clase distinta de [[xene]]s. <ref name="PMID: 1547050">{{cita publicación | autor = Bonizzi G, Bebien M, Otero DC, Johnson-Vroom KE, Cao Y, Vu D, Jegga AG, Aronow BJ, Ghosh G, Rickert RC, Karin M | título =Activation of IKKalpha target genes depends on recognition of specific kappaB binding sites by RelB:p52 dimers | revista = EMBO J | volume = 23 | número = 21 | páxinas = 4202–10 | ano = 2004 | pmid = 11547050 | doi=10.1038/sj.emboj.7600391}}</ref> A diferenza da sinalización canónica, que depende da degradación de IκBα IκB-β e IκB-ε mediada por NEMO-IKK2, a sinalización non canónica depende do procesamento de p100 para formar p52 mediado por NIK. Tendo en conta as súas diferentes regulacións, pensábase que estas dúas vías eran independentes unha doutra. Porén, recentes análises revelaron que a síntese dos constituíntes da vía non canónica, é dicir RelB e p52, é controlada pola sinalización canónica de IKK2-IκB-RelA:p50. <ref name="PMID: 18299388">{{cita publicación | autor = Basak S, Shih VF, Hoffmann A | título =Generation and activation of multiple dimeric transcription factors within the NF-kappaB signaling system | revista = Mol Cell Biol | volume = 28 | número = 10 | páxinas = 3139–50 | ano = 2008 | pmid = 18299388 | doi=10.1128/MCB.01469-07 | pmc = 2423155}}</ref> Por outra parte, a xeración dos dímeros tanto canónicos coma non canónicos, é dicir, RelA:p50 e RelB:p52, no medio celular, tamén están relacionadas entre si de maneira mecánica.<ref name="PMID: 18299388"/> Estas análises suxiren que un sistema NF-κB integrado leva á activación dos dímeros RelA e RelB e que un mal funcionamiento da vía canónica pode dar lugar a unha resposta celular aberrante tamén a través da vía non canónica.