Benetússer: Diferenzas entre revisións

'''Benetússer''' é un [[concello]] da [[Comunidade Valenciana]], pertencente á [[provincia de Valencia]], na [[comarca]] da [[Horta Sud]]. Limita unicamente con dous concellos, [[Alfafar]] polo [[norte]], polo [[sur]] e polo [[leste]] e [[Paiporta]] polo [[oeste]].

 

O lugar que ocupa Benetúser, do mesmo xeito que o resto da Horta Valenciana, é probable que estivese moi poboado polo home durante os tempos prehistóricos. Ao atoparse o municipio nunha zona de gran fertilidade, os diferentes pobos que pasaron pola península disputáronse a súa posesión, por iso foi conquistada e dominada polos [[iberos]], [[Cartago|cartaxinenses]], romanos, godos e árabes. Hai indicios que indican que este lugar era unha centuria romana, aínda que non hai datos que demostren a permanencia de dominadores con carácter de habitantes no que hoxe é o pobo de Benetúser, pero é indubidable que houbo vivendas illadas e celeiros, casas de apeiros, etc. Nestas vivendas residían individuos destinados ao coidado das facendas, tanto [[Fenicio|fenicias]], como [[Imperio Romano|romanas]] ou [[godo|godas]]. Até a chegada dos árabes, en que coa construción da casa Babot, en [[1250]], iniciouse o movemento de poboación con carácter de permanencia aínda que en limitadas proporcións.

 

Despois da reconquista cristiá Benetúser foi repoboado por familias oriúndas de [[Cataluña]], [[Aragón]] e [[Montpellier]] ([[Francia]]). O 27 de abril de [[1351]] Giner Rabassa adquire o municipio, a pesar de que a liñaxe derivou en [[1412]], por diversos parentescos, na familia señorial dos Rabassa de Perellós.

 

 

A superficie do termo é de 0,76 km², completamente chaira, alzándose até os 16 [[msnm]]. No termo municipal de Benetúser atopamos fundamentalmente dous tipos de chans do [[Era cuaternaria|cuaternario]], entre os que destacan os fluvisois (solos formados sobre depósitos aluviais) e os gleisois (chans formados sobre materiais non consolidados, excluíndo os de orixe aluvial).

 

A poboación de Benetússer a comezos do [[século XX]] era un municipio totalmente [[rural]] das proximidades de Valencia. A poboación era moi reducida e non chegaba ao milleiro, fundamentalmente localizada ao redor da praza da igrexa e do forno. Todo isto trocou nas décadas dos 60 e dos 70 do [[século XX]], momento no que se desenvolveu a industria do moble na comarca, e en especial nesta vila, xa que este municipio representaba nestes momentos máis dun terzo do emprego industrial da [[comarca]].

 

</center>

 

A extensión do seu termo municipal, un dos máis pequenos da comarca, foi un dos motivos principais que configuraron a economía do municipio, xa que os [[Agricultura|agricultores]] tiveron que buscar terras de cultivo nos municipios veciños e, máis recentemente, a falta de chan cultivable ademais das súas boas comunicacións (o primeiro [[ferrocarril]] chegou en [[1852]]) conduciu súa economía a unha intensa industrialización. O sector industrial de Benetússer e dos seus arredores, tradicionalmente, estaba especializado na industria moble aínda que tamén destacaban os talleres agro-alimentarios, as destilerías ou as fábricas de peites. A produción realizábase en pequenos talleres de orixe artesanal e familiar, ampliados a empresas medianas nos últimos anos.

 

Actualmente, o sector do moble segue a ser unha actividade importante, aínda que os centros de produción fóronse desprazando cara aos polígonos industriais doutras poboacións, debido ao reducido tamaño do municipio, quedando neste unicamente as exposicións e tendas destes produtos. Deste xeito gran parte da poboación activa do concello pertence ao [[sector servizos]].

 

{{commonscat}}

* [http://www.benetusser.net/ Sitio web oficial do Concello]