[[Ficheiro:Turun Tuomiokirkko.jpg|miniatura|Catedral de Turku]]
'''{{Audio|Fi-Turku.ogg|Turku}}''' (en [[lingua finlandesafinesa|finlandésfinés]]) ou '''{{Audio|Sv-Åbo.ogg|Åbo}}''' (en [[lingua sueca|sueco]]), fundada no [[século XIII]], é a cidade máis antiga de [[Finlandia]] e a quinta en poboación, con 174.868 habitantes (no ano 2005). A cidade de Turku atópase na boca do río [[Aurajoki]] no suroeste do país, é a capital da rexión da [[Finlandia Propia]] e constitúe a terceira área urbana do país cunha área metropolitana de 270.000 habitantes. A cidade posúe unha das maiores poboacións [[lingua sueca|suecofalantes]] do país. O xentilicio [[lingua finesa|finés]] para os habitantes da cidade é ''turkulaiset'' (singular: ''turkulainen''). Grazas ó seu emprazamento, o porto de Turku é un dos máis activos do país.
Turku posúe unha gran identidade cultural como centro histórico de [[Finlandia]]. A cidade foi capital do país entre 1809 e 1812 cando [[Helsinki]] converteuse na capital, e posúe a universidade máis vella do país.