Henry Ford: Diferenzas entre revisións

Henry Ford, con outros once inversores e un capital de 28.000 dólares, constituíu en sociedade a [[Ford Motor Company]] en [[1903]]. Nun coche cun deseño novo, Ford conduciu nunha exhibición na que o coche recorreu a distancia dunha milla no lago xeado de Lake St. Clair en 39.4 segundos, que se converteu na nova mellor marca de velocidade terrestre. Convencido polo seu éxito, o famoso piloto [[Barney Oldfield]] quen deu nome a este novo modelo "999" de Ford en honra á locomotora de carreiras do día, levou o coche arredor do país facendo a marca de Ford coñecida en tódolos [[Estados Unidos de América|Estados Unidos]]. Henry Ford tamén foi un dos primeiros financiadores de [[Indianápolis 500]].

En [[1908]], a compañía Ford lanzou o [[Modelo T (Ford)|modelo T]]. De 1909 a 1913, Ford introduciu tamén modelos T desmontados ás carreiras, finalizando o primeiro (aínda que logo foi descualificado) nunha carreira de costa a costa (a través dos [[Estados Unidos de América - United States of America|Estados Unidos]]) en [[1909]], e establecendo a mellor marca dunha milla oval en Detroit Faregrounds en [[1911]], sendo o condutor Frank Kulick. En 1913, Ford tentou introducir un Modelo T refeito en Indianápolis 500, pero as regras esixían engadir 1.000 libras (450 Kg) ó coche para poder participar. Fold deixou a carreira, e pouco despois deixou as carreiras de forma permanente, alegando non estar satisfeito coas regras do deporte e ter unha grande demanda de produción do modelo T.

A partir de 1913 as carreiras xa non foron necesarias desde o punto de vista da publicidade, pois o modelo T era xa famoso e omnipresente en todas as estradas de América. Foi nese ano cando Henry Ford introduciu as cadeas de montaxe nas súas plantas, o que permitiu un aumento enorme na produción. En [[1918]] a metade dos coches nos [[Estados Unidos de América - United States of America|Estados Unidos]] eran modelos T. O deseño, ferventemente promovido e defendido por Herny Ford, había continuar ata 1927 (ben despois de que a súa popularidade minguase), cunha produción total final de 15 millóns de vehículos. Esta marca non había ser superada ata 45 anos despois. Ford dixo "Calquera pode ter un coche pintado da cor que queira mentres sexa negra." (Ver referencia ó final).

O [[1 de xaneiro]] de [[1919], tralo fracaso na procura dun escano no senado dos [[Estados Unidos de América - United States of America|Estados Unidos]], [http://www.senate.gov/artandhistory/history/minute/Senator_Condemned_for_Excessive_Campaign_Expenditures.htm] Henry Ford delegou a presidencia de [[Ford Motor Company]] no seu fillo [[Edsel Ford|Edsel]], aínda que mantiña a súa xestión con man firme - algunhas das decisións da compañía durante a presidencia de Edsel foron levadas a cabo sen a aprobación de Henry, para ser máis tarde revocadas por el. Tamén nesta época, Henry e Edsel adquiriron tódalas participacións dos restantes inversores, pasando así a ser os únicos propietarios da compañía. Esta foi mantida dentro da familia anta 1956, ano no cal permitiu ofertar unha parte da compañía de forma pública sen chegar á perda do seu control.

Henry Ford adicouse durante a maior parte da súa semi-retirada da compañía Ford á publicación do xornal ''The Dearborn Independent'', que mercara en [[1919]]. O xornal foi publicado durante oito anos, nos cales introduciu nos [[Estados Unidos de América - United States of America|Estados Unidos]] un traballo (non escrito polo mesmo Ford) chamado "''[[Os Protocolos dos Sabios de Sión]]''", que foi desacreditado por tódolos historiadores cualificándoo como fraude. A Sociedade Histórica de Xudeus Americanos describe as súa ideas durante este período como anti-inmigrantes, antilaboristas, antialcohólicas e antisemíticas.

Hai evidencias de que Henry Ford deu a [[Adolf Hitler]] respaldo financeiro cando Hitler estaba introducíndose na política. Isto pode corroborarse en parte polas declaracións de Kurt Ludecke, o representante de [[Alemaña]] nos [[Estados Unidos de América - United States of America|Estados Unidos]] nos anos 20, en Winifre Wagner, a nora de Richar Wagner, quen solicitou fondos a Ford para axudar ó [[Movemento Nacional-Socialista]] en [[Alemaña]]. Sen embargo, en [[1933]], unha investigación do congreso sobre o asunto foi incapaz de probar de ningún modo que eses fondos fosen realmente enviados.