=== Secuenciación dunha soa molécula en tempo real (SMRT) ===
A secuenciación [[secuenciación dunha soa molécula en tempo real|SMRT]] baséase na estratexia de secuenciación por síntese. O ADN sintetízase en modoguías cerode ondas en ondas-guíamodo cero (ZMWs), que son pequenos contedores similares a pozos que teñen as ferramentas de captura situadas no fondo do pozo. As guías de ondas en modo cero son [[guía de onda óptica|guías de ondas ópticas]] que guían a enerxía da luz a un volume que é pequeno en todas as súas dimensións comparado coa lonxitude de onda da luz. A secuenciación realízase usando polimerases non modificadas (unidas ao fondo das ZMW) e nucleótidos marcados fluorescentemente que flúen libres na solución. Os pozos están construídos de modo que só se detecte a fluorescencia do fondo do pozo. A marcaxe fluorescente sepárase do nucleótido cando este se incorpora na cadea de ADN, polo que a cadea de ADN queda inmodificada. Segundo [[Pacific Biosciences]], que desenvolveu a tecnoloxía SMRT, esta metodoloxía permite a detección de modificacións de nucleótidos (como a metilación da citosina). Isto ocorre por observación da cinética da polimerase. Esta estratexia permite lecturas de ata 15.000 nucleótidos, con lecturas medias de lonxitudes entre 2,5 e 2,9 [[par de bases|kb]].<ref name=autogenerated1 />
