Proteus anguinus: Diferenzas entre revisións

 

=== Órganos sensoriais ===

A [[evolución]] favoreceu nos animais moradores de covas, entre outras adaptacións, o desenvolvemento e mellora de [[Sistema sensorial|sistemas sensoriais]] non visuais para orientarse e adaptarse a [[hábitat]]s permanentemente escuros. O sistema sensorial do proteo tamén está adaptado á vida no ambiente subterráneo acuático. Como non pode usar a visión para a orientación, compénsaa con outros sentidos, que están máis desenvolvidos ca nos anfibios que viven na superficie. Para isto conserva dimensións larvais, como un corpo longo e delgado e unha cabeza grande aplanada, e así pode aloxar un número meirande de receptores sensoriais.

 

==== Fotorreceptores ====

Os ollos do proteo permanecen baixo a [[derme]] da pel, pero aínda así poden percibir a luz, e é posible encontrar exemplares xuvenís que conservan os seus ollos ao descuberto. As larvas teñen ollos normais, pero a medida que avanza o desenvolvemento atrófianse nuns catro meses. A [[glándula pineal]] tamén ten [[Fotorreceptor|células fotorreceptoras]] que, aínda atrofiadas, conservan pigmento visual. A súa glándula pineal probablemente posúe un certo control sobre os procesos fisiolóxicos. Os experimentos de comportamento revelaron que a pel, en si mesma, é tamén sensible á luz. A fotosensibilidade do tegumento é debido ao [[pigmento]] [[melanopsina]] das células especializadas interiores chamadas [[cromatóforo]]s. As inmunoanálises realizadas apoian a existencia de pigmento fotosensible tamén no tegumento do animal.