O '''Tupolev Tu-134''' é un avión de pasaxeiros bimotor, semellante ao francés [[Sud Aviation Caravelle]] e ao estadounidense [[Douglas DC-9]], fabricado na [[UniónsUnión Soviética]] entre [[1966]] e [[1984]] por [[Tupolev]]. A versión orixinal contaba cun morro acristalado, ao igual que outros avións de pasaxeiros soviéticos (como o seu irmán [[Tupolev Tu-154|Tu-154]]), e o modelo pode operar dende pistas de aterraxe non pavimentadas. Trátase dun dos avións máis usados nos países do antigo [[Pacto de Varsovia]], e o seu número está minguando debido ás restriccións de ruído. Ademais do seu uso civil, tamén ten servido en distintas forzas aéreas, armadas e exércitos realizando tarefas de apoio, como avión de adestramento ou para investigacións e probas. Recentemente varios Tu-134 foron convertidos como transportes VIP e reactores de negocios. Un total de 852 exemplares foron fabricados en todas as versións, sendo [[Aeroflot]] o seu principal usuario; cara 1995, o Tu-134 trnsportara a 360 millóns de pasaxeiros nesta aeroliña.
