Ence: Diferenzas entre revisións

Posúe tres plantas productoras de pasta de [[celulosa]] en [[España]], a máis antiga delas na parroquia de [[Lourizán, Pontevedra|Lourizán]]<ref>[http://www.concellopontevedra.es/pub/documentos/documentos_memoria_orzamento_07_c4e53f15.pdf Orzamento do Concello de Pontevedra para 2007]</ref>, no concello de [[Pontevedra]], fundada no ano [[1957]], e que arrastra numerosas denuncias por delito ecolóxico por verquidos incontrolados á [[ría de Pontevedra]].{{cómpre referencia}} Por este motivo a [[Asociación Pola Defensa da Ría]] e boa parte da veciñanza da comarca se mostran a favor do peche da planta ou do seu traslado.

As outras dúas plantas son de construción máis recente, e atópanse na cidade andaluza de [[Huelva]] e na asturiana de [[Navia]]. En conxunto, a súa produción anual é da orde do millón de toneladas anuais de pasta de celulosa, xerando 1.245.000 MW de enerxía eléctrica ao ano.{{cómpre referencia}} Esta enerxía eléctrica procede da combustión da biomasa, non de combustibles fósiles, e é, xa que logo, de orixe renovable.

A posiblidade da instalación dunha nova planta de produción de celulosa na marxe oriental do [[río Uruguai]], nas proximidades das cidades de [[Frei Bentos]] no Uruguai e [[Gualeguaychú]] na [[Arxentina]], xunto cunha similar da [[Finlandia|finlandesa]] [[Botnia]], foron as causas do [[Conflito entre Arxentina e Uruguai por plantas de celulosa|conflito diplomático]] que se desenvolve entre os gobernos de [[Arxentina]] e [[Uruguai]].{{cómpre referencia}} Con todo, a empresa xa anunciou a relocalización da planta de celulosa na localidade de [[Conchillas]], próxima ás cidades de [[Nova Palmira]] e [[Colonia do Sacramento]], coa aprobación do goberno arxentino. Ambos proxectos dispoñían das mellores tecnoloxías dispoñibles segundo IPPC-BREF da Unión Europea, a diferenza das plantas actualmente en funcionamento en Arxentina, de tecnoloxía obsoleta e usando algunhas delas cloro para branquear.