Saudade (revista): Diferenzas entre revisións

Dentro da liña editorial de ''Seudade'' estivo sempre a defensa da [[lingua]] e o seu mantemento e difusión fóra de Galicia. No número 7 [[Ramón Cabanillas]] di que a lingua é a defensa e o máis transcendente signo de identidade do país. A lingua é unha bandeira ideolóxica que centra frases propagandísticas e textos doutrinais ao longo dos sete números da publicación. Mesmo con frecuencia os anuncios das páxinas [[Publicidade|publicitarias]] levan textos en [[galego]]. As achegas de colaboradores non galegos foron tamén traducidas ó galego. Os textos en [[Lingua castelá|castelán]] pouquean.

''Saudade'' tomou como motivo principal a publicación de contidos relacionados co ámbito galego, máis concretamente os de interese para os exiliados galegos en México. Trátase de páxinas de carácter cultural, defensoras e divulgadoras da lingua en [[América]], con atención particular á creación [[Literatura galega|literaria]]. A súa orientación [[política]] é de signo [[Galeguismo (política)|galeguista]] e [[Nacionalismo galego|nacionalista]], e a súa posición antifascista intensifícase nos dous derradeiros números.