Hidrófilo: Diferenzas entre revisións

A auga contén un átomo moi [[electronegatividade|electronegativo]], o [[osíxeno]], que retén en certa medida os electróns que comparte co [[hidróxeno]] no [[enlace covalente]], creando un desequilibrio de cargas e orixinando unhas débiles cargas eléctricas parciais, que son negativas (δ^-) no osíxeno, e positivas (δ⁺) no hidróxeno, polo que é unha molécula dipolar. As substancias hidrofílicas teñen carga eléctrica ou grupos químicos polares neutros (con átomos electronegativos) nos que se forman tamén cargas parciais, polo que poden establecer [[ponte de hidróxeno|pontes de hidróxeno]] coas moléculas de auga, o que facilita a súa solubilidade. As moléculas hidrofílicas tamén se chaman '''polares'''.

 

 

Hai moléculas que teñen unha parte hidrófila e outra [[hidrófobo|hidrófoba]] e que reciben o nome de [[anfipático|anfipáticas]], por exemplo os [[xabón]]s. As moléculas anfipáticas disólvense en auga formando [[micela]]s, que son esferas nas que a parte hidrófila das moléculas está no exterior e a hidrófoba no interior.