Davide Ghirlandaio
Davide di Tommaso Bigordi, nado en Florencia en 1452 e finado na mesma cidade o 10 de agosto de 1525, coñecido polo alcume de Ghirlandaio, foi un pintor italiano, coetáneo de Botticelli e de Filippino Lippi.
| Biografía | |
|---|---|
| Nacemento | 1452 (Gregoriano)  Florencia |
| Morte | 10 de agosto de 1525 (Gregoriano) (72/73 anos) Florencia |
| Actividade | |
| Lugar de traballo | Scuola degli Albanesi |
| Ocupación | pintor , iluminador , mosaicist (en)  |
| Xénero artístico | Pintura de historia e retrato |
| Alumnos | Ridolfo Ghirlandaio (pt) |
| Familia | |
| Irmáns | Domenico Ghirlandaio (pt) e Benedetto Ghirlandaio (pt) |
| Parentes | Bastiano Mainardi (pt) (cuñado) |
Foron os seus irmáns os tamén pintores Benedetto Ghirlandaio (1458-1497) e Domenico Ghirlandaio (1449-1494), o máis célebre deles. Sobriño seu foi o fillo de Domenico, Ridolfo Ghirlandaio (1483-1561).
Davide traballou sobre todo como axudante de Domenico, encargándose tamén das finanzas do negocio familiar. Tras a morte deste, asumiu a dirección do taller e a tutela do seu sobriño Ridolfo.
De estilo semellante ao do seu máis dotado irmán, é ,porén, inferior a el no debuxo e a modelaxe dos panos. Unha mostra do seu traballo como artista independente atópase na basílica de Santa Maria Novella (Florencia) cunha táboa, "Santa Lucía e un doador" (datado en 1494). Vasari lémbranos outros encargos da súa man, como unha "Crucifixión con santos", no cenáculo de Santa Apollonia.
Foi un notábel mosaicista. Súas son as decoracións da Catedral de Orvieto e as da Santa María del Fiore de Florencia (luneto da Anunciación), así como as da fachada da basílica della Santissima Annunziata, tamén na cidade do Arno.
Obras editar
Bibliografía editar
- Dizionario enciclopedico Bolaffi dei pittori e degli Incisori italiani dall'XI al XX secolo, Torino, Giulio Bolaffi, 1972-1976.
- Giorgio Vasari. Le vite de' più eccellenti pittori, scultori e architettori Editorial Cátedra (2002), ISBN 84-376-1974-2, páxinas 555-556.
Ligazóns externas editar
- Biografía de David y Benedetto Ghirlandai nas Vidas de Vasari edic. Giuntina 1550
Wikimedia Commons ten máis contidos multimedia na categoría: Davide Ghirlandaio  |