Erwinia

Erwinia é un xénero de bacterias da familia Enterobacteriaceae que contén importantes especies patóxenas de plantas. Recibe o seu nome polo fitobacteriólogo Erwin Frink Smith. Son bacterias gramnegativas, principalmente de forma bacilar, relacionadas con Escherichia coli, Shigella, Salmonella e Yersinia.

Moitas erwinias infectan plantas leñosas. Un membro ben coñecido do xénero é E. amylovora, que causa unha enfermidade necrótica nas maceiras, pereiras e outras rosáceas cultivadas. A especie E. tracheiphila causa enfermidades nas cucurbitáceas. Outras especies importantes, como E. carotovora (patóxena das patacas e cenorias, e chamada hoxe Pectobacterium carotovorus), estaban relacionadas de modo máis distante con E. amylovora e foron movidas aos xéneros Brenneria, Dickeya, Pectobacterium e outros.

Especies

As especies que quedan no xénero Erwinia son:

• Erwinia amylovora
• Erwinia aphidicola
• Erwinia billingiae
• Erwinia mallotivora
• Erwinia papayae
• Erwinia persicina
• Erwinia psidii
• Erwinia pyrifoliae
• Erwinia rhapontici
• Erwinia toletana
• Erwinia tracheiphila
• Candidatus Erwinia dacicola