Erik Bruhn
Erik Belton Evers Bruhn, coñecido simplemente como Erik Bruhn, nado o 3 de outubro de 1928 en Copenhague (Dinamarca) e finado o 1 de abril de 1986 en Toronto (Canadá), foi un bailarín de ballet, coreógrafo e mestre de ballet dinamarqués.[1] Bruhn comezou a súa formación no Ballet Real de Dinamarca en 1937, pasando a formar parte da compañía dez anos despois e, en 1949 foi nomeado solista. Entre 1949 e 1958 ausentouse do seu posto para bailar co American Ballet Theatre, regresando despois ao seu país natal. En 1961 renunciou ao seu posto permanente no Ballet Real para bailar de novo co American Ballet Theatre. Posteriormente, en 1967, foi nomeado director do ballet da Kungliga Operan sueca ata 1972, cando pasou a asociarse principalmente co Canada's National Ballet, sendo primeiro director asistente, logo director dende 1983 ata a súa morte.[2]
 Erik Bruhn. | |
| Biografía | |
|---|---|
| Nacemento | (da) Erik Belton Evers Bruhn  3 de outubro de 1928 Copenhague  Dinamarca |
| Morte | 1 de abril de 1986 (57 anos) Toronto  Canadá |
| Causa da morte | Morte natural (Cancro de pulmón ) |
| Datos persoais | |
| País de nacionalidade | Dinamarqués |
| Educación | The Royal Danish Ballet School (en)  |
| Actividade | |
| Campo de traballo | Danza, Ballet, Coreografía e teatro |
| Ocupación | Bailarín, coreógrafo, mestre de ballet |
| Período de actividade | 1947 - |
| Lingua | Lingua dinamarquesa |
Premios
| |
    | |
Bruhn compatibilizou os seus postos permanentes como bailarín con actuacións ocasionais con outras compañías como New York City Ballet, The Royal Ballet, The Australian Ballet, Ballet Real de Suecia, e o Ballet de l'Opéra National de Paris.[2]
Foi parella do tamén bailarín Rudolf Nureyev.[3]
Notas editar
- ↑ "Erik Bruhn". Encyclopedia Britannica (en inglés). Consultado o 2021-02-25.
- ↑ 2,0 2,1 "Erik Bruhn" (en inglés). abt.org. Arquivado dende o orixinal o 03 de marzo de 2016. Consultado o 31 de xaneiro de 2017.
- ↑ Ugidos, Gonzalo (3 de agosto de 2008). "Rudolf Nureyev. El descenso al infierno". El Mundo (en castelán). Consultado o 31 de xaneiro de 2017.
|
Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |