Encontros de Música Tradicional de Carboeiro

Os Encontros de Música Tradicional de Carboeiro son unha festa folclórica galega, que se celebra anualmente no Mosteiro de Carboeiro, durante a primeira fin de semana de xuño.

Encontros de Música Tradicional de Carboeiro
Datos da festa
Lugar	Mosteiro de Carboeiro
Comezo	2000
Data	1ª fin de semana de xuño
Na rede

Historia

En 2003 tres asociacións culturais do concello de Silleda (Adellis, Dame Lume e Asociación Xuvenil Os Ultreias) uníronse para organizar unha reunión de músicos tradicionais na contorna do mosteiro de Carboeiro. Para tal finalidade crearon a Asociación Intercultural dos encontros de musica tradicional de Carboeiro, unha asociación cultural que "formalizou" unhas xuntanzas que xa se iniciaran, se ben dun xeito máis informal, no ano 2000. A filosofía da festa é reproducir as antigas foliadas tradicionais ás que asistían os mozos das parroquias limítrofes.

Os Encontros de Carboeiro celébranse durante dous días. Comezan o sábado arredor das 12 da maña cunha xuntanza de todos os gaiteiros no patio do mosteiro. Os músicos amenizan a seguir un xantar popular nas campas de Carboeiro. Pola tarde e noite sucédense as actuacións de músicos, contacontos, cantares de cego, representacións teatrais ao tempo que teñen lugar exposicións e representacións teatrais. Pola noite ten lugar un concerto no interior do mosteiro, e no día seguinte, o domingo, sácase en procesión á Santa Ferreña, a patroa dos encontros.

• 
  Procesión de Santa Ferreña
• 
  Mosteiro de Carboeiro

Véxase tamén

Ligazóns externas

• Foliada en Carboeiro - TVG (Alalá nº 218 - 2017)