Embrace
Embrace foi unha banda de curta vida de post-hardcore procedente de Washington, D.C., activa dende o verán de 1985 ata a primavera de 1986.[1] Xunto con Rites of Spring e Beefeater, foi un dos artistas principais do movemento Revolution Summer de 1985,[2] e trátase du dos primeiros grupos en ser etiquetados pola prensa como emotional hardcore,[1][3] aínda que os seus membros rexeitaron ese termo dende a súa creación.[3][4][5] A banda incluía a Ian MacKaye de Minor Threat e a tres antigos membros do grupo do seu irmán Alec, The Faith: o guitarrista Michael Hampton, o batería Ivor Hanson e o baixista Chris Bald.[1][4] Hampton e Hanson tamén tocaran xa anteriormente xuntos en S.O.A.[6]
| Embrace | |
|---|---|
| Orixe | Washington, D.C., Estados Unidos  |
| Período | 1985 - 1986 |
| Xénero(s) | hardcore punk, post-hardcore, emo |
| Selo(s) discográfico(s) | Dischord Records |
| Membros | Ian MacKaye Michael Hampton Ivor Hanson Chris Bald |
| Na rede | |
      | |
A banda realizou o seu primeiro concerto o día 28 de xullo de 1985 no Food for Thought, un antigo restaurante e sala de concertos situada en Dupont Circle, en Washington, D.C.[7] O seu noveno e derradeiro concerto foi no 9:30 Club en marzo de 1986.[7] As únicas gravacións realizadas polo cuarteto foi un álbum auto-titulado e un sinxelo.
Despois da separación de Embrace, MacKaye reuniuse co antigo batería de Minor Threat Jeff Nelson para formar Egg Hunt. Bald entrou na banda Ignition, e o batería Ivor Hanson xuntouse con Hampton novamente en 1992 en Manifesto.
Discografía editar
| Álbum | Ano | Selo |
|---|---|---|
| Embrace | 1987 | Dischord Records |
Notas editar
- ↑ 1,0 1,1 1,2 "Embrace - Biography - Amoeba Music". www.amoeba.com. Consultado o 2022-07-15.
- ↑ Andersen & Jenkins, p. 193
- ↑ 3,0 3,1 Andersen & Jenkins, p. 202
- ↑ 4,0 4,1 Cogan, p. 97
- ↑ "Ian MacKaye - 1986 - Emocore is stupid". Consultado o 2022-07-15.
- ↑ Cogan, pp. 306-07
- ↑ 7,0 7,1 Andersen, Mark (2009). Dance of days : two decades of punk in the nation's capital (Updated and expanded 4th ed ed.). New York: Akashic Books. ISBN 978-1-933354-99-6. OCLC 437084126.
Bibliografía editar
- Andersen, Mark; Jenkins, Mark (2001). Dance of Days: Two Decades of Punk in the Nation's Capital. Akashic Books. ISBN 978-1-9333-5499-6.
- Cogan, Brian (2008). The Encyclopedia of Punk. Sterling. ISBN 978-1-4027-5960-4.