Eladio Santos
Eladio Santos, nado en Vigo, é un compositor galego de indie pop. É coñecido pola colaboración en grupos como Medusa, Foggy Mental ou Eladio y los seres queridos, sendo este último no que leva involucrado dende 2005 ata hoxe.
Biografía | |
---|---|
Nacemento | Vigo |
Datos persoais | |
País de nacionalidade | Galicia |
Actividade | |
Ocupación | compositor |
Lingua | Lingua castelá |
Traxectoria musical editar
Medusa editar
Medusa foi un grupo galego de pop-rock de principios do 2000, con letras en castelán. En 2003 editaron a entrega discográfica "Larga duración".
Este grupo iniciouse coa composición "Que estalle una bomba", na cal Eladio Santos quixo engadir un son. A partir disto, Eladio quixo formar un grupo que tocase cancións coma esa. O disco foi editado por GASA, que pertence á multinacional Warner Music Group. Isto axudoulles a seren coñecidos non só na cidade olívica, senón no resto do estado. Os temas destas cancións xiran arredor do desamor ou da xuventude e o seu tránsito cara a madurez, e reflicten a vida dos compoñentes do grupo nese momento. Tódalas cancións están escritas en castelán.
Eladio y los seres queridos editar
Fundados en 2005 por Eladio, o pianista Manuel Santamarina e o baixista Pablo Muñiz. En decembro de 2007 publicou o seu primeiro álbum en formato CD como Eladio y los seres queridos, Esto que tienes delante, gravado con Grabaciones en el mar e producido por Juan de Dios en Casa de Dios en Madrid.
En 2008 acadaron o recoñecemento como novo talento FNAC, e o videoclip "Espanha a las 8" obtivo o premio do público no Festival de Cans. En 2011 editaron o disco Están ustedes unidos, producido por Manuel Colmenero e Javibu Carretero nos estudios Sonobox de Madrid. En 2014 lanzaron o disco Orden invisible, tamén producido por Colmenero e Carretero.
En 2017 o disco Cantares, compilación de cancións populares galegas producida e gravada polo propio Eladio, acadou un premio MIN ao álbum en galego do ano. En 2018 publicaron Historias de caza, autoproducido, que obtivo un premio Martín Codax. En 2020 editouse Academia.
Discografía editar
- Esto que tienes delante (2007)
- Están ustedes unidos (2011)
- Orden invisible (2014)
Videoclips editar
- "Espanha a las 8"
- "El tiempo futuro
- "Seremos santos Inocentes"
Véxase tamén editar
Wikimedia Commons ten máis contidos multimedia na categoría: Eladio Santos |
Bibliografía editar
Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
- "El pop ‘indie’ de Eladio y Los Seres Queridos se da cita en El Gran Café". Lacronicadeleon.es. Arquivado dende o orixinal o 19 de febreiro de 2014. Consultado o 12 de xullo de 2019.
- El Triunfo de un hombre ocrriente. El País. 6 de abril de 2011 http://cultura.elpais.com/cultura/2011/04/06/actualidad/1302040808_850215.html
- Eladio y los Seres Queridos: “Soy un ‘diehard’ fan de Bob Dylan” EL País 11 de xullo de 2012 http://cultura.elpais.com/cultura/2012/07/11/actualidad/1342035373_627146.html
- Eladio y los seres Queridos. Devoccionario. Efe Eme http://www.efeeme.com/eladio-y-los-seres-queridos-devocionario/
Ligazóns externas editar
- Páxina oficial de Eladio y los seres queridos (en castelán)