East Anglia Array

parque eólico mariño
East Anglia Array

North Sea relief location map.jpg

PaísReino Unido Reino Unido
Localización:Mar do Norte inglés
GPS52°54′28″N 2°37′43″L
EstadoEn construción
PropietariaScottishPower, Vattenfall
EnxeñeríaIberdrola, Siemens

East Anglia Array (tamén chamado Offshore-Windpark East Anglia) é un parque eólico mariño proxectado en varias xeiras. Estará situado a 30 millas da costa de East Anglia, no Mar do Norte inglés. Está a ser desenvolvido polas empresas Scottish Power Renewables e Vattenfall. Como socios tecnolóxicos están a traballar na construción Iberdrola e Siemens AG (Gamesa).[1]

Están en estudo ata sete proxectos individuais, zonas de explotación cunha capacidade total de 7,2 GW.

East Anglia ONEEditar

 
Jackets en Navantia Fene.

East Anglia ONE está situado ao sur da zona, aproximadamente a 43 km da costa. O proxecto inicial será para instalar 1,2 GW de potencia eólica, con 102 torres. A electricidade producida chegará á costa por un cable que conectará coa rede nacional inglesa.

42 dos soportes para estes muíños de vento estanse a construír en España por Navantia Fene, contratista de Windar Renovables e Iberdrola, e outros 60 por Lamprell UK. Son estruturas de tres patas, 65 metros de altura e un peso de 850 toneladas. As pas dos xeradores son construídas pola fábrica que Gamesa ten nas Somozas.[2] A subestación eléctrica é construída en Navantia Cádiz, Puerto Real.

O material é enviado ao porto holandés de Vlissingen, onde Iberdrola ten unha base loxística.[3] O inicio dos traballos foi en xuño de 2018 ca instalación dos soportes para os muíños polos buques Bokalift 1 e Olympic Taurus.[4]

Galería de imaxesEditar

Catro primeiras torres eólicas East Anglia ONE en Astano. 

NotasEditar

Véxase taménEditar

Ligazóns externasEditar