Duke Erikson

músico estadounidense

Douglas Elwin Erikson, nado en Nebrasca o 15 de xaneiro de 1953, é un compositor, produtor e multiinstrmentista estadounidense coñecido por ser fundador e guitarrista da banda de rock alternativo Garbage. Antes de crear Garbage, Erikson foi membro dos grupos Spooner e Fire Town.

Duke Erikson
Garbage 1 RDTSE 2005.jpg
Nome completoDouglas Elwin Erikson
Nacemento15 de xaneiro de 1953 (67 anos)
OrixeLyons, Nebrasca, Flag of the United States.svg
OcupaciónProdución musical, cantante, guitarrista, guionista e produtor de cine
Instrumento(s)guitarra
Relacionado conGarbage, Fire Town, Spooner
editar datos en Wikidata ]

TraxectoriaEditar

Aos 16 anos formou a súa primeira banda, The British. Erikson estudou historia da arte, e pagou os seus estudos facendo numerosos traballos, como carpinteiro ou condutor de camións.

En 1979, a banda de Erikson, Spooner, na cal era o cantante e principal compositor, editou un EP con catro cancións que a converteu nunha das bandas máis populares da rexión. Dous álbums seguiron a ese EP, Every Corner Dance e Wildest Dreams, distribuído por todo o país. En 1987 Duke e Butch Vig, con Phil Davis como cantante, crearon a banda Firetown. Firetown publicou dous álbums e seis sinxelos nun moi curto período de tempo, á parte dun video para o sinxelo "Carry The Torch", pero separáronse en 1989.

Nese momento, o sinxelo de Spooner "Mean Old World" chegou ao número un en Madison, de onde proviña, o cal axudou a que a banda se unise outra vez. Un novo traballo, Fugitive Dance, apareceu seguido dunha xira, antes de que a banda se separase en 1993. Nese tempo Butch Vig xa se fixera un nome como produtor musical.

En 1994, Duke Erikson formou Garbage xunto a Shirley Manson, Butch Vig e Steve Marker.