Ducia
Unha ducia é un conxunto de doce elementos. Hai varias explicacións para agrupamentos en doce, como o sistema de cómputo sumerio, a conveniencia de múltiplos e divisores e a observación da natureza. Son doce os ciclos lunares durante un ano solar. Ducia na lingua popular tamén pode ser usada como expresión para unha cantidade indeterminada.
| Ducia | |
|---|---|
_-_Bicentenario_Independencia_de_Colombia_2010_(4824927859).jpg) | |
| Instancia de | unidade de cantidade  |
| Subclase de | grupo |
| Semellante a | Tylft (en)  , Zwölfter (en) , dodecad (en) e 12 |
| Magnitude física | magnitude adimensional |
| Valor numérico | 12 |
| Conversión a SI | 12 |
Descrito pola fonte
| |
Composto por
| |
| [ Wikidata ] [ C:Commons ] | |
Historia
editarA ducia era unha das bases numéricas da civilización sumeria, que posuía as bases doce e sesenta. Os sumerios facían o cómputo dos seres utilizando os dedos das mans. Malia seren dez os dedos das mans, o polgar non era utilizado no cómputo, senón para o cómputo: Cada vez que un contador avistaba unha cousa, marcaba a súa cantidade co polgar avanzando por cada falanxe de cada dedo da man, alcanzando polo tanto doce cando completase o cómputo cunha man; sempre que a man dereita completase doce, o contador usaba o polgar da man esquerda para contar cantas veces a man dereita se completaba. Os cinco dedos da man esquerda mais as doce falanxes da man dereita significaban xa que logo sesenta seres contados.