Dos días do porvir
Dos días do porvir[1][2] (en inglés: A Story of the Days To Come) é unha novela do británico H. G. Wells publicada por vez primeira entre os meses de xuño e outubro de 1899 nos sucesivos números de The Pall Mall Magazine. Máis tarde sería compilada como parte da colección Tales of Space and Time.
| Dos días do porvir | |
|---|---|
| Título orixinal | A Story of the Days To Come |
| Autor/a | H. G. Wells |
| Orixe | Reino Unido |
| Lingua | inglés |
| Tema(s) | Distopía |
| Xénero(s) | Novela |
| Editorial |  The Pall Mall Magazine Editorial Hugin e Munin |
| Data de pub. | 1899 2018 |
| Páxinas | 140 |
| ISBN | ISBN 978-84-946538-6-5 |
| Tradución | Alejandro Tobar |
| [ editar datos en Wikidata ] | |
Foi traducido ó galego por Alejandro Tobar[3] e foi publicado pola Editorial Hugin e Munin no ano 2018.[1]
Trama e características
editarEstá dividida en cinco capítulos: "The Cure for Love", "The Vacant Country", "The Ways of the City", "Underneath" e "Bindon Intervenes".
Conta a historia de dous amantes, Elizabeth e Denton, no Londres distópico do século XXII. Explora as implicacións dunha urbanización excesiva e do sistema de clases; así mesmo, aborda temas como o progreso tecnolóxico en campos coma a medicina, as comunicacións, o transporte ou a agricultura.
Como tamén sucede en When the Sleeper Wakes, publicada o mesmo ano, o relato establece continuas comparanzas entre a época vitoriana e a cidade futura a douscentos anos vista: un Londres poboado por 30 millóns de persoas, no que as clases desfavorecidas residen no subsolo mentres que a media e alta o fan en rañaceos e hospedaxes colectivas. Unha serie de plataformas móbiles interconectan a cidade, tanto por vía aérea coma pola superficie, onde se acadan altas velocidades; pola contra, o medio rural amósase en estado de abandono.
Notas
editar- ↑ 1,0 1,1 Dos días do porvir. Traducido por Alejandro Tobar (1ª ed.). Santiago de Compostela: Editorial Hugin e Munin. 2018. ISBN 978-84-946538-6-5 – vía Biblioteca da Tradución Galega.
- ↑ O futurismo crítico de H.G. Wells Arquivado 05 de abril de 2018 en Wayback Machine., Sermos Galiza, 3 de abril de 2018
- ↑ Editorial Hugin e Munin (ed.). "Catálogo da Editorial Hugin e Munin (actualizado o 1 de xaneiro de 2019)" (PDF). p. 54. Arquivado dende o orixinal (PDF) o 03 de abril de 2019. Consultado o 26 de marzo de 2019.
Véxase tamén
editarLigazóns externas
editar- "A Story of the Days To Come" en Tales of Space and Time, Universidade of Newcastle, Australia (en inglés).
- "A Story of the Days to Come" en librivox (en inglés).