Diáspora (botánica)
En botánica o termo diáspora, tamén coñecido como disemínulo, refírese ao fenómeno polo que o embrión ou os embrións e os seus complexos orgánicos acompañantes as plantas separan de si para a súa propagación, ou diseminación.[1]
As estruturas que producen o disemínulo poden ser por vía asexual o sexual e, unha vez dispersados, xeran un novo individuo da especie, igual (e máis ou menos idéntico, dependiendo do sistema de produción) ao proxenitor ou aos proxenitores (no caso da reprodución sexual). Existen diversos tipos de disemínulos nas algas e nos fungos, mentres que nas plantas superiores poden tratarse de esporas ou de sementes, froitos completos ou plantas máis ou menos enteiras, aínda que certas estruturas reprodutoras asexuais, como os bulbilos, desempeñan un papel importante na dispersión de numerosas especies.[2]
Modalidades editar
A diáspora é a dispersión natural das sementes e, en xeral, de todas as estruturas como froitos, esporas, etc., que as plantas realizan mediante dispositivos adecuados, en moitos casos relacionados con axntes diseminantes, como o aire (plantas anemocoras), a auga (plantas hidrocoras), os animais, ou mesmo o home (plantas antropocoras).
Porén, non sempre as plantas necesitan a diseminación mediante estes factores disperdantes, xa que moitas sementes mesmas, ou os froitos en que estas se conteñen, bástanse, nalgún casos, como nos chamados froitos espermobólicos (plantas bolocoras), ou nos que se enterran antes de alcannzar a plena madureza ou recentemente madurados (plantas xeocárpicas), nestes casos a diseminación é autodinámica. Desde o punto de vista da distancia até onde poden chegar os disemínulos, a diáspora pode ser propincua, se non alcanza máis que un pequenro raio de dispersión, ou lonxincua, cando os disemínulos se esparexan atá distancias considerábeis.[3]
Etimoloxías editar
Para a de diáspora: ver Diáspora.
Para disemínulo: Este termo deriva do latín disseminare, "sementar", co sufixo -ulo indicando "cousa pequena".[3]
Notas editar
- ↑ Font Quer 1993, p. 324.
- ↑ Berreta, Elbio J. e Juan P. Puignau (1991): Glosario estructurado de términos sobre pasturas y producción animal. Español-Portugués. Montevideo, Uruguay: INCA - Procisur. ISBN 978-92-9039-180-7.
- ↑ 3,0 3,1 Font Quer 1993, p. 341.
Véxase tamén editar
Bibliografía editar
- Gibson, David J. (2009): Grasses and grassland ecology. Oxford, UK: Oxford University Press. ISBN 978-0-1985-2919-4.
- Font Quer, P. (1993): Diccionario de botánica. Tomo I. Barcelona: Editorial Labor, S. A. ISBN 84-3350-076-7.