An Daingean
An Daingean (en irlandés e oficialmente, e tamén en irlandés: Daingean Uí Chúis; adaptado ao inglés: Dingle) é unha localidade do Condado de Kerry, na costa atlántica de Irlanda, a uns 50 km ao suroeste de Tralee e uns 80 km ao noroeste de Killarney. A vila está situada nunha baía natural baixo a montaña Slievanea, na península de An Daingean, co río Shannon ao norte, e o Anel de Kerry ao sur.
| Dingle (en) Daingean Uí Chúis (ga)  | ||||
| ||||
| Localización | ||||
|---|---|---|---|---|
| ||||
| Estado | Irlanda | |||
| Provincias | Munster | |||
| Condados | Condado de Kerry | |||
| Xeografía | ||||
| Parte de | ||||
| Superficie | 3,3 km² | |||
| Altitude | 1 m | |||
| Identificador descritivo | ||||
| Fuso horario | ||||
| Outro | ||||
| Irmandado con | ||||
As principais actividades da zona son o turismo, a pesca, a gandería e a agricultura. En 2006 An Daingean tiña unha poboación de 1.920 habitantes. An Daingean está situada nun Gaeltacht.
Durante moito tempo An Daingean foi unha vila remota, mais agora é un activo porto pesqueiro e un importante centro turístico.
Fungi, o golfiño de An Daingean
editarEn 1984 un golfiño comezou a frecuentar a zona do porto de An Daingean, converténdose nunha atracción para os visitantes. Calcúlase que naceu contra mediados da década de 1970, cunha esperanza de vida de 25 anos para a súa especie. Ten adicada unha escultura en bronce en An Daingean.
Lugares de interese
editarA igrexa neogótica de An Daingean, St. Mary, foi construída segundo o proxecto de J. J. McCarthy e O'Connell. A primeira pedra foi colocada en 1862.
Hai moitas posibilidades de escoitar música tradicional irlandesa na vila, especialmente no verán, na tempada de turismo. Tamén hai un acuario na vila e bo número de tendas de artesanía.
Poden tamén visitarse nos arredores os xacementos arqueolóxicos da península de An Daingean.
Cidades irmás
editar
Galería de imaxes
editar-
Porto de An Daingean -
Igrexa de St. Mary -
John Street, An Daingean -
John Benny's Pub -
Fungi, o golfiño de An Daingean -
Fungi
