Digital Fortress

Digital Fortress
Título orixinal	Digital Fortress
Autor/a	Dan Brown
Orixe	Estados Unidos de América e Reino Unido
Lingua	lingua inglesa
Xénero(s)	techno-thriller, suspense e ciencia ficción
Editorial	St. Martin's Press, Transworld Publishers e Qanun
Data de pub.	1998
Na rede
	[ editar datos en Wikidata ]

Digital Fortress ("fotaleza dixital"), é a primeira novela de ciencia ficción escrita polo norteamericano Dan Brown, publicada en 1998.

Sinopse

Susan Fletcher é unha criptógrafa estrela da NSA, unha axencia de intelixencia estadounidense especializada na interceptación de información. Susan e chamada polo xefe do departamento de criptografía para que lle axude cunha emerxencia; un ex-membro da NSA, Ensei Tankado desenvolveu un algoritmo que nin o maior ordenador do mundo especializado na desencriptación o deu conseguido, o ordenador é o TRANSLTR en poder da NSA obviamente. Ensei Tankado colgou o programa criptográfico na súa web, pero estaba autocifrado e tiña a intención de vender o contrasinal que o descifraba a empresa que lle pagara máis por el. A única forma de que non publique o contrasinal é que a NSA recoñeza a existencia do TRANSLTR; se Tankado morrese asasinado pola NSA un compañeiro sería o encargado de revelarlle a todo o mundo o contrasinal. A NSA esta en crise, xa que se o programa se distribúe non poderán descifrar as mensaxes.

Ensei Tankado aparece morto en Sevilla, supostamente por un ataque o corazón, a NSA debe atopar o amigo de Tankado que ten o contrasinal, pero sen que este se entere de que morreu xa que podería dar a coñecer o contrasinal do programa e entón sería a ruína para a NSA.

Mentres Trevor Strathmore envía a David Becker a España para que leve todas as pertenzas de Ensei Tankado a NSA para atopar algunha pista.

Código criptográfico

Ó remate do libro aparece o seguinte código: 128 - 10 - 93 - 85 - 10 - 128 - 98 - 112 - 6 - 6 - 25 - 126 - 39 - 1 - 68 - 78

Para descifralo debemos anotar a primeira letra do capítulo correspondente a cada número. Unha vez feito sae a luz a mensaxe We are watching you, que significa Estamoste observando, referíndose ó lema da NSA que o controla todo.

Nota: O código só ten sentido na versión inglesa do libro.

Personaxes

Susan Fletcher: Criptógrafa da NSA
David Becker: Mestre de idiomas na universidade de Georgetown e prometido de Susan Fletcher
Trevor Strathmore: Subdirector da NSA e xefe do departamento de criptografía
Ensei Tankado: Ex-criptógrafo da NSA, creador do programa Fortaleza Dixital
Greg Hale: Criptógrafo da NSA, ex-marine
Leland Fontaine: Director da NSA
Midge Milken: Analista de seguridade internaNSA
Hulohot: Asasino enviado por Strathmore para matar David Becker e a todos os que viran o anel de Ensei Tankado.
Chad Brinkerhoff: Oficinista de Fontaine
Phil Chartrukian: Empregado do Dpt. de Sys-sec da NSA
Tokugen Numataka: Empresario xaponés dono dunha gran multinacional, e pai de Ensei Tankado
Jabba: Experto en seguridade informática

Polémica

A novela provocou unha polémica sobre todo nos cidadáns de Sevilla xa que o autor reflicte esta cidade como corrupta e terceiromundista.