Diana Aguavil
Diana Alexandra Aguavil Calazacón, nada o 7 de agosto de 1983,[1] é unha líder indíxena ecuatoriana. Dende o 25 de agosto de 2018 é a primeira gobernadora feminina do pobo tsáchila, após 104 anos de administracións exclusivamente lideradas por homes e logo de gañar as eleccións tsáchila de 2018. Foi tamén a segunda muller en ser candidata a este posto.[2][3][4]
 (2019)  | |
| Biografía | |
|---|---|
| Nacemento | (es) Diana Alexandra Aguavil Calazacón 10 de agosto de 1983 (40 anos)Otongo Mapalí, Ecuador |
| Líder amerindia Pobo tsáchila | |
| 25 de agosto de 2018 – ← Javier Aguavil – valor descoñecido → | |
| Datos persoais | |
| País de nacionalidade | Ecuador |
| Grupo étnico | Pobo tsáchila |
| Educación | Universidade Tecnolóxica Equinoccial |
| Actividade | |
| Ocupación | política |
Premios
| |
Traxectoria editar
Filla do exgobernador tsáchila Héctor Aguavil, asasinado en febreiro de 2018,[5] estudaba o primeiro semestre de Parvularia do "Instituto Japón" cando se presentou como líder do grupo indíxena. Antes fixera nove semestres na Universidade UTE en Hotelaría e Turismo.[1] Nas eleccións de agosto de 2018, recibiu máis votos ca os seus dous contrincantes e a súa vitoria foi recoñecida polo Consello Nacional Electoral do estado ecuatoriano.[6] Sucedeu a Javier Aguavil.[2]
En abril de 2019, a Asemblea Nacional de Ecuador condecorouna cun recoñecemento ao mérito social polo cargo obtido, e ademais recibiu un Acordo Lexislativo no cal se exalta a súa valía e traballo e se recoñece a súa invariable disposición e entrega a prol do colectivo fronte ao individuo.[7] Este premio entregouse no marco da tradicional festa do Kasama, que enxalza os valores identitarios do pobo tsáchila.[8][9]
É membro do partido político Alianza Tsáchila.[1] Ten unha filla.[6]
Notas editar
- ↑ 1,0 1,1 1,2 Diana Aguavil busca unidad de la nacionalidad Tsáchila (en castelán)
- ↑ 2,0 2,1 Diana Aguavil es posesionada como la primera gobernadora de la nacionalidad Tsáchila (en castelán)
- ↑ Diana Aguavil, la primera gobernadora de la Nacionalidad Tsáchila Arquivado 2019-04-12 en Wayback Machine. (en castelán)
- ↑ Diana Aguavil Calazacón busca gobernar la nacionalidad Tsáchila (en castelán)
- ↑ Diario La Hora, ed. (17 de febreiro de 2022). "Cuatro años de la muerte de Héctor Aguavil" (en castelán). Consultado o 27 de marzo de 2023.
- ↑ 6,0 6,1 El Universo, ed. (31 de agosto de 2018). "Diana Aguavil, la primera gobernadora de tsáchilas" (en castelán). Consultado o 27 de marzo de 2023.
- ↑ Telégrafo, El (12 de abril de 2019). "Asamblea condecoró a la primera mujer gobernadora de nacionalidad Tsáchila". El Telégrafo (en castelán). Arquivado dende o orixinal o 12 de abril de 2019. Consultado o 12 de abril de 2019.
- ↑ "Tsáchilas preparan fiesta del Kasama". El Universo (en castelán). 31 de marzo de 2019. Consultado o 12 de abril de 2019.
- ↑ ecuadorenvivo.com (ed.). "Noticias Ecuador - Ecuador en vivo - Asamblea condecoró a Diana Aguavil, primera mujer gobernadora de la nacionalidad Tsáchila | Política". Arquivado dende o orixinal o 12 de abril de 2019. Consultado o 12 de abril de 2019.