Darrell Walker
Darrell Walker, nado o 9 de marzo de 1961 en Chicago, Illinois, é un ex xogador e adestrador profesional de baloncesto estadounidense, que adestra á Universidade de Arkansas en Little Rock. Con 1,93 m de altura, xogaba nas posicións de base e escolta.
| Darrell Walker | |
|---|---|
| Posición | Base / Escolta |
| Dorsal | 4, 5, 20 |
| Altura | 1,93 m (6 ft 4 in) |
| Peso oficial | 82 kg (180 lb) |
| Nacemento | 9 de marzo de 1961 (62 anos) Chicago, Illinois
|
| Carreira | |
| Instituto | Corliss (Chicago, Illinois) |
| Universidade | Arkansas – Fort Smith (1979–1980) Arkansas (1980–1983) |
| NBA Draft | 1983 / Rolda: 1 / Elección: 12 Por New York Knicks |
| Tempadas | 1983–1993 |
| Equipo(s) | |
| |
| Estatísticas (NBA) | |
| Puntos | 6 389 (8,9 pp) |
| Asistencias | 3 276 (4,6 pp) |
| Roubos | 1 090 (1,5 pp) |
| Stats @ Basketball-Reference.com | |
| Premios | |
| |
| Adestrador | |
| |
TraxectoriaEditar
XogadorEditar
Tras formarse no baloncesto universitario no Westark Community College (agora Universidade de Arkansas–Fort Smith) e na Universidade de Arkansas, Walker foi seleccionado polos New York Knicks na 12ª posición do Draft da NBA de 1983. Durante a súa etapa de dez tempadas na NBA, xogou para cinco equipos: os Knicks, os Denver Nuggets, os Washington Bullets, os Detroit Pistons, e os Chicago Bulls.
Na súa tempada coma rookie, Walker foi elixido para o primeiro equipo All-Rookie NBA de 1984, e durante a súa etapa na liga foi un dos líderes en asistencias e roubos de balón. A súa mellor tempada foi a 1989–90 cos Washington Bullets, tras facer 9.5 puntos e 8.0 asistencias por encontro. Na súa derradeira tempada na liga, gañou o título da NBA cos Chicago Bulls.
AdestradorEditar
Walker foi adestrador principal en dous equipos, os Toronto Raptors e os Washington Wizards. Foi o segundo adestrador da historia dos Raptors, tras Brendan Malone, equipo ó que adestrou durante unha tempada e media. No ano 2000, substituíu ó despedido Gar Heard en Washington, onde estivo media tempada, ata que á tempada seguinte foi substituído por Leonard Hamilton.
En marzo de 2012, Walker converteuse en adestrador asistente dos New York Knicks, onde estivo ata 2014.[1]
NotasEditar
- ↑ Alex Raskin (17 de marzo de 2012). "Knicks interim coach Mike Woodson adds Darrell Walker, Jim Todd to staff". NJcom (en inglés). Consultado o 13 de xullo de 2018.
Véxase taménEditar
Ligazóns externasEditar
- Estatísticas de Darrell Walker como xogador Arquivado 24 de febreiro de 2011 en Wayback Machine. (en inglés)
- Estatísticas de Darrell Walker como adestrador Arquivado 26 de xaneiro de 2011 en Wayback Machine. (en inglés)