Daroca

Daroca (en galego antigo: Darouca) é unha cidade aragonesa situada na comarca do Campo de Daroca, na provincia de Zaragoza. A súa poboación era de 2.274 habitantes en 2007. O seu concello ocupa unha área de 52,24 km², o que significaba unha densidade de poboación de 43,81 hab/km². A cidade dista 83 km da capital provincial, Zaragoza.

Daroca

Localización
41°06′48″N 1°25′01″O
Estado	España
Comunidade autónoma	Aragón
Provincia	Provincia de Zaragoza
Capital de	Campo de Daroca
Capital	Daroca city (en)
Contén a división administrativa	Daroca city (en)
Poboación
Poboación	1.957 (2023) (37,6 hab./km²)
Lingua oficial	lingua castelá (lingua predominante)
Xeografía
Superficie	52,045736 km²
Altitude	797 m
Comparte fronteira con	Balconchán (pt) Nombrevilla (pt) Villanueva de Jiloca (pt) Valdehorna (pt) Villarroya del Campo (pt) Manchones (pt) Retascón (pt) Orcajo (pt) Val de San Martín (pt)
Organización política
• Alcalde	Miguel Garcia Cortes (en)
Identificador descritivo
Código postal	50360
Fuso horario	UTC+01:00
Código INE	50094
Páxina web	daroca.es

Xeografía

Está enclavada na conca de Calatayud, na depresión do río Jiloca, a 797 metros de altura sobre o nivel do mar.

Historia

Calat-Darawqa, como a denominaron os musulmáns, foi reconquistada polo rei Afonso I de Aragón en 1121, que lle deu unha primeira carta foral no ano 1141. Ramón Berenguer IV deulle unha segunda carta foral en 1142. Mercé este foro, Daroca tornouse na capital da Comunidade de Daroca. En 1366 o rei Pedro IV outorgoulle o título de cidade.

Logo da morte de Carlos II, Daroca abrazou en 1706 a causa do pretendente austríaco, o arquiduque Carlos, en contra dos intereses de Francia, encarnados polo duque de Anjou, Filipe V. A cidade foi sometida polas tropas do Borbón, o que deu fin a seis anos de autonomía municipal.

Durante a Guerra de Independencia española, as tropas de Napoleón entraron en Daroca en xuño de 1808 e destruíron algunhas edificacións relixiosas, deixando unha gornición permanente. Daroca foi liberada en agosto de 1813. Na súa volta a España, o rei Fernando VII coñecerá o contido da Constitución de 1812 en Daroca.

No período das Guerras Carlistas foi praza pola que se interesaron os carlistas, que a ocuparon en 1834, 1837 e 1872. Porén as ocupacións foron breves xa que a cidade foi leal á monarquía constitucional.

A inauguración do ferrocarril Teruel-Calatayud non trouxo o necesario pulo para Daroca que se esperaba.

Sitios de interese

Daroca: fonte dos vinte canos

• Murallas medievais (con máis de 4 km de perímetro).
• Portas da muralla.
• Igrexa de San Miguel.
• Igrexa de San Xoán.
• Fonte dos vinte canos.
• Pazo dos Luna, do século XV.
• Ruejo del Milagro, unha moa de muíño (ruello en aragonés, castelanizado localmente en ruejo) que salvou Daroca nunha chea.

Celebracións

• Festival de Música Antiga (Xullo).

Véxase tamén

Ligazóns externas

• Daroca
• Comarcas de Daroca e Calamocha