Dong Fang Hong 3
(Redirección desde «DFH-3 2»)
Dong Fang Hong 3 foi un tipo de satélite de comunicacións da República Popular da China.[1][2]
Características editar
Os dous DFH-3 lanzados eran satélites de comunicacións de capacidade media baseados no bus do mesmo nome, DFH-3, usados posteriormente noutros satélites. Foron lanzados mediante foguetes CZ-3A e a primeira unidade non chegou á súa órbita polo fallo da última etapa do foguete lanzador. Estabilizábanse nos tres eixos e tiñan unha masa de 2200 kg. Levaban a bordo 24 transpondedores en banda C para as comunicacións, con capacidade para seis canais de televisión e 18 canais de transmisión. Os paneis solares proporcionaban ata 2 kW de potencia eléctrica. O segundo DFH-3 foi tamén coñecido como ChinaSat 6.[1][2]