Dánae

Dánae na mitoloxía clásica é a filla do rei de Argos, Acrasio e de Eurídice. É nai de Perseo.

Dánae
Tipo	personaxe da mitoloxía grega
Obra
Representado por	Danaë and the Golden Shower (en)
Biografía
Sexo	muller
Actividade
Lugar de traballo	Grecia Antiga
Familia
Nai	Eurídice (pt)
Pai	Acrisio
Cónxuxe	Daunus (en)
Parella	Zeus
Fillo/a	Perseo e Daunus (en)
Descrito pola fonte
Descrito pola fonte  Pequeno Dicionario Enciclopédico de Brockhaus e Efron  The Nuttall Encyclopædia  Encyclopædia Britannica  Dicionario Enciclopédico Brockhaus e Efron  Enciclopedia soviética armenia, volume 3
[ Wikidata ]

Mito

Dánae era unha fermosa moza, filla de Eurídice e do rei de Argos chamado Acrasio. Este fora advertido nun oráculo que o neno que concibira a súa filla lle había causar a morte. Para evitalo, Acrasio encerrou a filla nunha gran torre con grandes portas e cadeados de bronce. Porén, o gran deus Zeus encaprichouse con ela e, para poder acceder á torre, transformouse nunha fina choiva de ouro, atravesando así os ladrillos da construción e tomándoa carnalmente e isto tivo como resultado o embarazo da moza.

Dánae por Tiziano,1554, museo do Prado.

Acrasio soubo isto e non creu a versión contada pola súa filla, e sabendo que Preto, irmán xemelgo de Acrasio, fora pretendente seu, creu que el entrara na morada da súa filla onde a desposou.

Acrasio tomou a súa filla e o neno cando naceu e encerrounos nunha arca para despois arroxalos ó mar, coa esperanza de que morreran. Pola contra, chegaron sans e salvos á illa de Sérifos, onde foron recollidos por Dictis. Obtiveron tal sorte grazas á axuda de Zeus que mostrou o seu agradecemento cara a xove Dánae. Dictis levounos á presenza do rei Polidectes ou Polidecto, que tratounos con cortesía e respecto ao comezo, pero logo, tratou de seducir a Dánae, sendo esta defendida polo seu fillo Perseo.