Abrir o menú principal

A Copyright Term Extension Act (CTEA) de 1998 – tamén coñecida como Sonny Bono Copyright Term Extension Act ou Sonny Bono Act e, pexorativamente, como a «Mickey Mouse Protection Act», estendeu os prazos de copyright nos Estados Unidos por 20 anos adicionais. Antes da Acta (baixo a Copyright Act of 1976), o copyright duraba toda a vida do autor máis 50 anos, ou 75 anos para unha obra de «autoría corporativa»; a Acta estendeu estes prazos durante a vida do autor máis 70 anos e para obras de «autoría corporativa» durante 120 anos tras a creación ou 95 anos tras a publicación, independentemente da anterioridade do punto final creativo.[1] A Acta tamén afectou aos prazos de copyright para obras con copyright anteriores ao 1 de xaneiro de 1978, incrementando tamén o seu prazo de protección durante 20 anos, ata un total de 95 anos desde a publicación.

Esta lei "conxelou" de feito o aumento da data do dominio público en Estados Unidos para as obras cubertas polas regras fixadas máis antigas de prazos de copyright. Baixo esta Acta, as obras adicionais feitas en 1923 ou máis tarde que estivesen aínda baixo copyright en 1998 non entrarían no dominio público ata 2019 ou máis tarde (dependendo da data do produto) a menos que o propietario do copyright a situase no dominio público antes desa data ou se o copyright fose estendido de novo. A diferencia da lexislación sobre extensión do copyright na Unión Europea, a Sonny Bono Act non reactivou os dereitos de autor que xa expiraran. A Acta estendeu os prazos do sistema de protección para obras que xa estaban baixo copyright, e tivo carácter retroactivo neste sentido. Porén, as obras creadas antes do 1 de xaneiro de 1978 pero non publicadas ou rexistradas para o copyright ata hai pouco están sometidas a unha sección especial (17 U.S.C. § 303) e poden permanecer protexidas ata 2047. A Acta fíxose pública o 27 de outubro de 1998.

NotasEditar

Véxase taménEditar