Conversa Wikipedia:Votacións á administración/Eleccións/Usuario:Xas
Creo que sería bo pechar esta votación xa, posto que ata setembro non será posible computar máis votos novos. Dígoo para evitar a frustración que lle pode provocar a calquera usuario o votar en balde. Xoacas(ti si que es lindo, ho) 20:55, 2 de xullo de 2010 (UTC)
- Coido que dado que a votación só se adentra 5 días no mes de xullo o máis sinxelo é deixar transcorre-la votación e que finalice. Se a votación fora presentada no propio mes de xullo ou transcorrera maioritariamente nese mes si que habería que cumpri-la regla para que a xente puidese votar. --Alberte Si, dígame? 22:35, 2 de xullo de 2010 (UTC)
- Eu estaría de acordo con esa flexibilidade se dependese de min e non dunha política establecida. Pero a política expresa dun xeito moi pouco interpretable que os votos emitidos dentro do mes de xullo non son válidos. En calquera caso é obvio que o resultado da votación vai ser positivo, pero a forma tamén conta. Xoacas(ti si que es lindo, ho) 22:45, 2 de xullo de 2010 (UTC)
- Non se di exactamente iso que dis. A política di que os días de xullo e agosto non computan á hora de sumar 15 días. Porén non se di que os votos dados neses meses sexan inválidos, xa que son totalmente válidos. --Alberte Si, dígame? 22:53, 2 de xullo de 2010 (UTC)
- Para evitar polémicas, copio e ligo: "A decisión sobre a aceptación ou rexeitamento da candidatura adoptarase transcorridos quince días dende a súa presentación. Os días dos meses de xullo, agosto, vacacións de Nadal e Semana Santa non serán computados". É obvio que os que deciden son os votos, non os días, o único que hai que computar son os votos, e os emitidos en xullo e agosto non entran na conta. En calquera caso a votación está decidida xa, pero non é o mesmo pechala con 11 votos positivos que con 14. Xoacas(ti si que es lindo, ho) 23:18, 2 de xullo de 2010 (UTC)
- Eu sigo sen atopar ningunha afirmación que diga que os votos quedan anulados ou non son válidos. Os días dos meses de xullo, agosto, vacacións de Nadal e Semana Santa non serán computados. Eu creo que é obvio. É distinto a Os votos dos días dos meses de xullo, agosto, vacacións de Nadal e Semana Santa non serán computados. --Alberte Si, dígame? 23:55, 2 de xullo de 2010 (UTC)
Esa interpretación é o que se chama coger el rábano por las hojas. Xoacas(ti si que es lindo, ho) 00:30, 3 de xullo de 2010 (UTC)
- Semella que, de novo, unha redacción das políticas xoga unha mala pasada. A miña interpretación, entendo eu válida como a vosa, é que deberiamos deixar que rematase o prazo da votación para tomar a decisión de atribución ou non dos dereitos, pero os votos emitidos fóra dos días hábiles (como se lles chamou no consenso) non valerán e polo tanto deberán ser riscados. Imos ter que traballar arreo e revisar todas as políticas, pero xa sabemos que dos erros un aprende. --Toliño Fala aquí comigo 09:43, 3 de xullo de 2010 (UTC)