Contessina Bardi

Contessina Bardi, nada en Florencia c. 1390 e finada ibídem en outubro de 1473, foi filla de Alexandre de Bardi, pertencente á prestixiosa familia Bardi. É coñecida principalmente por ser a esposa de Cosme de Medici O Vello, e matriarca da Dinastía Medici.

Contessina Bardi
Nacemento	1390
Lugar de nacemento	Florencia
Falecemento	outubro de 1473
Lugar de falecemento	Florencia
Soterrada	Basílica de San Lourenzo
Ocupación	aristócrata
Pai	Alessandro de' Bardi
Nai	Emilia Pannocchieschi
Cónxuxe	Cosme de Medici
Fillos	Pedro de Cosme de Médici e Giovanni de Médici
[ editar datos en Wikidata ]

Traxectoria

Foi chamada Contessina na honra da Condesa Matilde de Canossa. A súa familia foi moi rica durante un tempo, pero coa quebra do banco ó redor do século XIII diminuíran moito a súa influencia.

A pesar disto foron quen de manter unha boa posición investindo principalmente nos seus bens raíces: castelos, fortes e terras, das que eran señores en puntos estratéxicos dos límites setentrionais de Florencia. Por isto sempre gozaron de certa importancia como señores feudais e cabaleiros, o que seguramente pareceu moi interesante ós Medici. De feito, á primeira oportunidade dispuxeron deste brazo armado para axudarse na estratexia de mantemento (ás veces forzado) do consenso do apoio popular, o que lles deu hexemonía política na zona.

Familia

Contessina casou con Cosme o Vello en 1416 e tiveron dous fillos:

• Pedro de Cosme de Medici, 1416 - 1469;
• Xoán de Cosme de Medici, 1421 - 1463;

Ademais ocupouse do fillo ilexítimo do seu esposo, Carlos de Cosme de Medici, quen foi levado ó palacio familiar e criado como un máis dos seus fillos.

Véxase tamén

Bibliografía

• Pernis, Maria Grazia; Adams, Laurie (2006). Peter Lang Publishing, Inc, ed. Lucrezia Tornabuoni de' Medici and the Medici family in the fifteenth century. Nova York. ISBN 0820476455. 
• Tomas, Natalie R. (2003). Ashgate, ed. The Medici Women: Gender and Power in Renaissance Florence. Aldershot. ISBN 0754607771.