Coney Island
Coney Island é unha península, antigamente unha illa, situada ao sur de Brooklyn, na cidade estadounidense de Nova York, cunha gran praia sobre o océano Atlántico. O barrio do mesmo nome é unha comunidade de preto de 60 000 habitantes ao oeste da península, coa ponte de Seagate ao oeste, Brighton Beach e Manhattan Beach ao leste, e Gravesend ao norte.
A península foi unha gran estación turística con parques de atraccións que tiveron o seu auxe a comezos do século XX. A súa popularidade decaeu despois da segunda guerra mundial, sendo durante anos unha zona esquecida da cidade. Recentemente a zona revitalizouse, en parte grazas á inauguración do KeySpan Park, sede do equipo de béisbol Brooklyn Cyclones.
A película de 2017 Wonder Wheel, de Woody Allen está ambientada no parque de atraccións de Coney Island durante os anos 1950 e toma o nome da súa famosa nora.
Xeografía editar
Coney Island é a máis occidental das illas de barra de Long Island, e ten aproximadamente 6 quilómetros de longo e 800 metros de largo. Antigamente estaba separada do territorio de Brooklyn por unha canle do mesmo nome, parte da cal era pouco menos que bancos de area. Durante o século XX houbo varios proxectos para dragar e alargar o regato co fin de convertelo nunha canle navegable, mais non se concretaron, e o seu centro reencheuse para a construción do sistema de circunvalación de Nova York.
Véxase tamén editar
| Commons ten máis contidos multimedia sobre: Coney Island |