Condado de Békés
Condado de Békés (Húngaro: Békés megye; Romanés: judeţul Bichiş; Eslovaco: Békešská župa) é un condado administrativo (megye) situado no sueste de Hungría, na fronteira con Romanía. O condado fai fronteira cos condados húngaros de Csongrád, Jász-Nagykun-Szolnok e Hajdú-Bihar. A capital do condado de Békés é Békéscsaba. O condado forma parte da eurorexión Danube-Kris-Mures-Tisa.
XeografíaEditar
Békés está situado na gran chaira húngara. O condado ten unhas precipitacións medias anuais de 645 mm/ano . Un quinto das reservas húngaras de gas atópanse no condado. O río Körös/Criş é o maior río que atravesa o condado.
DemografíaEditar
O condado ten unha poboación de 392.000 habitantes (2001). Máis do 60 % da poboación vive en vilas. Despois da maioría húngara , as minorías maiores son os eslovacos (7.000), os xitanos (5.000), os romaneses (4.000), os alemáns (1.500) e os serbios (400).
Estrutura rexionalEditar
A estrutura rexional do condado de Békés é típica da gran chaira húngara: o condado posúe poucas vilas pero as que ten, teñen unha destacable poboación. O 70% da poboación vive en vilas e cidades, o 17% viven na capital do condado.
Cidade con dereitos de condadoEditar
Vilas principaisEditar
(ordenadas por poboación, segundo o censo do 2001)
| Gyula (32.967) | Vésztő (7.656) | |
| Orosháza (32.052) | Mezőkovácsháza (7.026) | |
| Békés (21.657) | Battonya (6.747) | |
| Szarvas (18.563) | Tótkomlós (6.638) | |
| Gyomaendrőd (15.523) | Füzesgyarmat (6.565) | |
| Mezőberény (11.551) | Mezőhegyes (6.355) | |
| Sarkad (10.959) | Csorvás (5.765) | |
| Szeghalom (10.201) | Elek (5.583) | |
| Dévaványa (8.986) |