Concepción Pérez Iglesias

mestra e política galega

María de la Concepción Pérez Iglesias, nada en Santiago de Compostela o 12 de decembro de 1881[1] e finada en Lantaño en decembro de 1939,[2] foi unha mestra e política galega. En 1925 converteuse na primeira alcaldesa de España,[3] no concello de Portas.

Concepción Pérez Iglesias
Concepción Pérez Iglesias.jpg
Nome completoMaría de la Concepción Pérez Iglesias
Nacemento12 de decembro de 1881
 Santiago de Compostela
Falecementodecembro de 1939
 Lantaño
NacionalidadeEspaña
Ocupaciónmestra e política
editar datos en Wikidata ]

TraxectoriaEditar

Concepción estudou Maxisterio na Escola Normal de Santiago de Compostela, e aos vinte anos obtivo o título de mestra. Cara a 1907 foi destinada á escola nacional de nenas de Portas. En 1908 casou con Amador Méndez Santamaría, veciño da parroquia de Godos, e fixou a súa residencia en Lantaño.

O 9 de xaneiro de 1925 foi elixida alcaldesa de Portas, cargo que desempeñou até o 23 de xaneiro de 1930. Tralo cesamento Concepción seguiu exercendo como mestra, ata o seu traslado definitivo á Escola Nacional de Guadalupe, en Santiago, onde permaneceu ata os últimos anos da súa vida profesional.

Foi soterrada o 12 de decembro de 1939 no cemiterio parroquial de Lantaño.


Predecesor:
Cesáreo Besol Oria
  
Alcaldesa de Portas
 
1925 - 1930
Sucesor:
?

NotasEditar

  1. Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 102. 
  2. El Correo Gallego, 17-12-1939, p. 2.
  3. "La primera alcaldesa de España", artigo no blog do Centro de Estudios Borjanos, 19 de xuño de 2016 (en castelán).

Véxase taménEditar

BibliografíaEditar

  • Rodríguez Rodríguez, Anaír. Pioneiras 2 : galegas que abriron camiño (1ª edición: febreiro de 2019 ed.). Vigo. ISBN 978-84-9121-464-9. OCLC 1135271442

Ligazóns externasEditar