Comité Revoluzonareo Arredista Galego
O Comité Revoluzonareo Arredista Galego (CRAG) foi unha agrupación política soberanista galega fundada na Habana por Fuco Gómez en 1921. Estaba artellada do mesmo xeito que as sociedades secretas nacionalistas irlandesas ou catalás do momento. Perseguía a caída da monarquía, da ditadura de Primo de Rivera e a independencia de Galicia. Mantiña unha liña ideolóxica parella á Sociedade Nazonalista Pondal de Buenos Aires. O seu carácter de organización secreta e semiclandestina[1] dificulta o acceso aos historiadores aos seus textos. A intención era artellar e coordenar o movemento arredista galego desde Cuba pero con grupos activos en Galicia.
| Comité Revoluzonareo Arredista Galego | |||
|---|---|---|---|
| Tipo | partido político  | ||
| Ideoloxía política | nacionalismo galego | ||
| Persoas e organizacións | |||
| Fundador/a | Fuco Gómez | ||
| Data | |||
| Fundación | 1921 | ||
| Localización | |||
| País | Cuba | ||
| Sede | A Habana | ||
| [ Wikidata ] | |||
Accións
editarO 25 de xullo de 1922 o CRAG fixo a declaración Independenza ou morte.[2] Máis tarde a organización redactou un proxecto de constitución para Galiza, e deseñou unha bandeira, himno e escudo para a República de Galicia.[3]
En outubro de 1933 o Comité Revoluzonario Arredista Galego publicou na Coruña o panfleto “A independencia absoluta, única salvación de Galicia”, manifesto que denunciaba a dependencia económica de Galiza baixo o réxime republicano español. Esta publicación foi requisada por orde gobernativa por promover a instauración o 17 de Nadal dese mesmo ano a República Galega en todas as cidades do país, coincidindo co aniversario do asasinato de Pardo de Cela, colocando a bandeira arredista nas casas consistoriais. Fuco Gómez, autor do texto, tivo que fuxir a Portugal.
Notas
editar- ↑ "Comité Revoluzonario Arredista Galego: From its origins to its dissaparition (in Galician language).". Issuu. Consultado o 4 de outubro de 2014.
- ↑ Cronoloxía de Galicia (arquivado en Archive.org).
- ↑ "ISSUU – Comité Revoluzonario Arredista Galego by Terra Livre". Issuu. Consultado o 4 de outubro de 2014.
|
Este artigo sobre Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |