Comgall mac Domangairt
Comgall mac Domangairt foi rei de Dalriada a comezos do século VI. Era fillo de Domangart mac Fergusa e neto de Fergus Mòr Mac Earca. Os Anais do Ulster estabelecen a súa morte no anos 538, 542 e 545, e nos Anais de Tigernach en 537.
| Biografía | |
|---|---|
| Nacemento | I milenio  |
| Morte | 538 |
| Dalriada | |
| 507 – 538 ← Domangart Réti (pt)  – Gabrán mac Domangairt → | |
| Datos persoais | |
| País de nacionalidade | Dalriada |
| Actividade | |
| Ocupación | monarca |
| Familia | |
| Fillos | Conall mac Comgaill (pt) |
| Pai | Domangart Réti (pt) |
| Irmáns | Gabrán mac Domangairt |
 | |
Traxectoria editar
Non se coñece nada da vida de Comgall agás sobre a súa morte, mais é salientable polo feito de levar o epónimo fundador do Cenél Comgaill, un dos parentescos de Dalriada, segundo o Senchus fer n-Alban. De feito, esta obra fala do Crich Comgaill, pero os Anais do Ulster empregan o termo cenél nun escrito de 710.
O Senchus narra que Comgall tivo un só fillo, Conall, que tivo sete fillos máis, dos cales se coñece o nome de seis: Loingsech, Nechtan, Artan, Tuatan, Tutio e Coirpre. Podería ser que Coripre fose un engadido posterior, xa que o Senchus fala dun pobo de Coirpre, diferente dos fillos de Erc.
O Cenél Comgaill editar
Os anaiss irlandeses falan relativamente pouco do Cenél Comgaill. Porén, novas interpretacións suxiren que este grupo de parentesco podería ter sido importante na gaelización dos pictos, xa que un tal Dargart mac Finguine do Cenél Comgaill casou coa princesa picta Der-Ilei, e os reis pictos Bridei IV e Nechtan mac Der-Ilei foron produto deste casamento.
Cóidase que o Cenél Comgaill se atopaba en Cowal, no oeste das Highlands, unha zona cuxo nome deriva de Comgall ou Comgaill, e na illa de Bute. Se cadra tamén controlaron dende a illa de Arran cara ó sur. Os centros reiais do seu reino non se coñecen, malia que Dunoon podería ter sido de grande importancia. Contra finais do século VI e comezos do VII asociouse Saint Blane con Bute, pero algúns investigadores actuais non están certos de que esta tradición sexa correcta. O mosteiro de Kingart, asociado con Saint Blane, noméase nos anais. Atópase preto da fortaleza de Dunagoil, que plausiblemente podería ter sido o centro real do estado, mais non é seguro que estivese ocupado durante ese período.
Véxase tamén editar
Bibliografía editar
- Bannerman, John (1974). Scottish Academic Press, ed. "Studies in the History of Dalriada". Edimburgo. ISBN 0-7011-2040-1.
- Broun, Dauvit (1999). Boydell, ed. "The Irish Identity of the Kingdom of the Scots in the Twelfth and Thirteenth Centuries". Woodbridge,. ISBN 0-85115-375-5.
- Fraser, James E. (2005). "Strangers on the Clyde: Cenél Comgaill, Clyde Rock and the bishops of Kingarth". The Innes Review 56 (2): 102–120. ISSN 0020-157X. doi:10.3366/inr.2005.56.2.102.