Canto rolado
Un canto rolado, canto (ás veces non son rolados), croio, seixo ou callao,[1] é un fragmento de rocha solto, susceptíbel de ser transportado por medios naturais, como as correntes de auga, os corrementos de terra etc.
![](http://upload.wikimedia.org/wikipedia/commons/thumb/6/63/Kiesel.jpg/220px-Kiesel.jpg)
Aínda que non se fai distinción de forma, en xeral un canto rolado adquire unha morfoloxía máis ou menos arredondada, subarredondada ou oblonga, sen arestas e coa superficie lisa, debido ao desgaste sufrido nos procesos erosivos e, sobre todo, durante o transporte, xeralmente causados pola corrosión ou as correntes de auga (erosión hídrica).
Tamén recibe os nomes galegos de bocha, cañó, coio, croio, pelouro, riarengo, xeixo, xógara ou xoga[2].
Usos
editarOs cantos rolados utilízanse xeralmente na construción. Os cantos planos son de grande utilidade para o apilamento de material e a súa adherencia au formigón ou cemento fainos moi útiles.
Granulometría
editarDentro da clasificación granulométrica das partículas do solo, os cantos rolados ocupan o seguinte lugar na escala:
Partícula | Tamaño |
---|---|
Arxilas | < 0,002 mm |
Limos | 0,002-0,06 mm |
Areas | 0,06–2 mm |
Gravas | 2 mm-6 cm |
Cantos rolados | 6–25 cm |
Bloques | >25 cm |
Notas
editarVéxase tamén
editarCommons ten máis contidos multimedia sobre: Canto rolado |