Christianorum regnum

A denominación en latín de Christianorum regnum que significa literalmente "reino dos cristiáns", foi a máis común para referirse ao dominio dos reis cristiáns na Galicia altomedieval entre os séculos VIII e X.

Causas

Se ben o termo "reino dos cristiáns" semella na actualidade demasiado ambiguo para referirnos a un único reino medieval europeo, o certo é que esta denominación foi acuñada por dous principais motivos. Por unha banda, determinaba o contrapeso contra o veciño estado musulmán, o Emirato de Córdoba, marcando o carácter "cristián" dos novos reis galaicos independentes, e tentando con isto atraer a atención dos mozárabes en Spania. Por outra parte, o feito de que a Galicia altomedieval non estivera unificada baixo un único monarca, precisaba dun elemento aglutinador -a relixión- capaz de convencer aos aristócratas da antiga Gallaecia para que se uniran ao proxecto de restauración monárquica.

Véxase tamén

Bibliografía

• Xosé Antonio López Teixeira, Arredor da conformación do Reino de Galicia (711-910), Editorial Toxosoutos, S.L. 02/2003.