Chainsaw Records
Chainsaw Records é un selo discográfico independente estadounidense dirixido por Donna Dresch que se dedica a bandas de queercore. A discográfica está baseada en Portland, Oregón.
| Chainsaw Records | |
|---|---|
| Fundado en | 1991 |
| Fundador | Donna Dresch |
| Xénero(s) | queercore |
| Orixe |  Estados Unidos |
| Localización | Portland, Oregón |
Historia editar
Chainsaw comezou como un fanzine publicado por Donna Dresch a finais dos anos 80. Entre os músicos e escritores que apareceron no fancine atópanse Lois Maffeo, Jena von Brücker, Juliana Lueking, Candice Pederson, G.B. Jones e Larrybob. Chainsaw foi un dos fancines seminais do queercore que, xunto con J.D.s e Homocore, axudaron a definir o movemento.
"En 1991...Chainsaw evolucionou dun fancine cara un selo discográfico. Isto comezou sinxelamente cando ela fixo un recompilatorio en casete das súas bandas favoritas e comezou a vendelo mentres estaba de xira con Fifth Column",[1] escribiu Amy Spencer no libro DIY: The Rise of Lo-Fi Culture. En 1994 Chainsaw comezou a publicar álbums e sinxelos, empezando con lanzamentos de The Fakes (con membros de Bikini Kill, The Need e Nation of Ulysses), The Frumpies e de Team Dresch. Posteriormente editou, xunto con Candy Ass Records, o recompilatorio editado como disco dobre Free to Fight. "O selo estableceuse como un elemento vital da escena queercore..."[1] escribiu Spencer, cando Chainsaw comezou entón a lanzar discos dunha variedade de artistas queer principalmente mulleres. Bandas como Sleater-Kinney iniciaron as súas carreiras en Chainsaw Records. Ademais, a súa páxina web, en particular o seu taboleiro de mensaxes, fomentaron un sentido de comunidade e proporcionaron un vehículo para a expresión para queers e fans.
Artistas editar
|
|
Notas editar
- ↑ 1,0 1,1 Spencer, Amy, 1979- ([2015]). DIY : the rise of lo-fi culture ([Revised and updated 2008. Reprinted 2015] ed.). London: Marion Boyars. ISBN 978-0-7145-3161-8. OCLC 219991791.