Casa Vicens

Casa Vicens;
Tipo	casa museo
Parte de	obras de Antoni Gaudí e lista de edificios modernistas de Barcelona
Estilo	arquitectura neoárabe, modernismo catalán e arquitectura Art Nouveau
Material usado	ladrillo e cerámica vidrada
Localización
	41°24′13″N 2°09′02″L / 41.40348655, 2.15064326
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Barcelonès
Concello	Barcelona
Distrito	Gràcia
Barrio administrativo	Vila de Gràcia
Enderezo	Carrer de les Carolines, 18-24
Acontecementos
1883 – 1885	construción, Arquitecto: Antoni Gaudí
1925	ampliación, Arquitecto: Joan Baptista Serra (en)
Dimensións
Pisos	5
Superficie	1.200 m², 0,12 ha e 4,23 ha
Persoas e organizacións
Arquitecto	Antoni Gaudí
Patrimonio cultural
Parte dun sitio do Patrimonio da Humanidade
Data	2005 (29ª Sesión)
Identificador	320-004
	;
Ben Cultural de Interese Nacional
Data	24 de xullo de 1969
Codi BCIN	52-MH-EN
Codi BIC	RI-51-0003823
Id. IPAC	56
Id. Barcelona	2545
	;
Ben de interese cultural
Identificador	RI-51-0003823
Contacto
Páxina WEB	casavicens.org…
	[ Wikidata ]

A Casa Vicens é unha vivenda unifamiliar deseñada polo arquitecto Antoni Gaudí e construída por Manuel Vicens entre os anos 1883 e 1888. Foi o primeiro deseño de Gaudí, considerado tamén a súa primeira realización arquitectónica, e está situada na Carrer de les Carolines, 18-24, no Barrio de Gràcia da Barcelona.

No tempo da súa construción a Casa tiña un amplo xardín, unha fonte e unha glorieta, pero agora debido ao ensanchamento da rúa atópase encaixoada por outras edificacións. Este temperán proxecto amosa moitas influencias, sendo a máis notabel a Mudéxar, moi evidente na parte alta da casa onde as torres lembran os miraretes dos templos musulmáns. A obra está construída de pedra espida, ladrillos vermellos, tellas coloreadas, e reixas e celosías de ferro forxado, nas que os motivos principais son as flores de palmito e xirasol. Ao ser un dos seus primeiros proxectos, aínda non aparecen nel as liñas curvas tan típicas e coñecidas da arquitectura gaudiniana, senón que a liña recta é predominante en todo o edificio. Os ladrillos e as tellas viñan da fábrica de cerámica da que era dono Manuel Vicens, empresario que tivo algunhas dificultades económicas durante a construción e por iso o remate se prolongou un pouco máis do acordado.

Esta primeira obra de Gaudí non só amosa a relación entre a natureza e a arquitectura, senón que, debido ao momento no que foi feita, supón unha referencia para os vindeiros arquitectos modernistas cataláns e unha gran contribución para o estilo internacional que máis tarde se coñecería como Art Nouveau.

Casa Vicens

Véxase tamén

Ligazóns externas