Carmen Agulló Díaz
María de Carmen Agulló Díaz, nada en Xinzo de Limia o 19 de febreiro de 1957, é unha profesora e historiadora galega.
.jpg) (2022, Guadassuar (pt)  )  | |
| Biografía | |
|---|---|
| Nacemento | (es) Mª del Carmen Agulló Díaz 18 de febreiro de 1957 (67 anos)Xinzo de Limia, España |
| Datos persoais | |
| País de nacionalidade | España |
| Educación | Universidade de Santiago de Compostela Universidade Complutense de Madrid Universidade de Valencia |
| Actividade | |
| Ocupación | escritora , profesora universitaria |
| Empregador | Universidade de Valencia |
| Lingua | Lingua castelá |
É titular de Teoría e Historia da Educación na Universidade de Valencia.[1] Ademais de ser escritora de libros, é unha das investigadoras da historia da educación das mulleres, especialmente nos docentes e as docentes republicanas. É tamén moi recoñecida neste ámbito pola súa participación no documental dirixido en 2013 por Pilar Pérez Solano, Las Maestras de la República, gañador do premio Goya á mellor película documental o 2014.[2][3]
Traxectoria editar
Iniciou os seus estudos na Academia Santa Mariña de Xinzo de Limia. Cursou o Bacharelato no Colexio das Carmelitas de Ourense e no Instituto Nacional Feminino de Vigo. Cursou estudos de Pedagoxía e Psicoloxía na Universidade de Santiago de Compostela (primeira promoción do Colexio Universitario de Ourense) e a Licenciatura de Psicoloxía nas Universidades Complutense de Madrid e de Valencia. Froito destes estudos, é licenciada en Psicoloxía e en Filosofía e Ciencias da Educación, e doutora en Pedagoxía. Profesora titular do Departamento de Educación Comparada e Historia da Educación da Universitat de València. Imparte clase nas Facultades de Filosofía e Ciencias da Educación e de Maxisterio, en Valencia e Ontinyent.