Caress of Steel

Caress of Steel é o terceiro álbum de estudio da banda canadense de rock Rush, publicado o 24 de setembro de 1975 a través do selo Mercury Records. Foi gravado xusto despois de que o grupo rematase a xira de promoción do seu anterior traballo, Fly by Night, e marcou un desenvolvemento no son da banda, movéndose do estilo hard rock baseado no blues da súa estrea cara o rock progresivo. Temas como "The Necromancer" impulsaron o avance de Rush cara composicións narrativas baseadas na fantasía, mentres que "The Fountain of Lamneth" foi a súa primeira "épica" prog-rock en abarcar toda unha cara do vinilo. Outros temas como "Bastille Day" e "Lakeside Park" convertéronse en elementos básicos dos directo da banda.

Caress of Steel
Álbum de Rush
Publicado	24 de setembro de 1975
Gravación	xullo de 1975
Estudio(s)	Toronto Sound, Toronto
Duración	45:04
Xénero(s)	rock progresivo
Selo(s)	Mercury Records
Produtor	Rush, Terry Brown
Cronoloxía
Fly by Night (1975) Caress of Steel 2112 (1976)
Na rede
[ editar datos en Wikidata ]

Aínda que os membros da banda inicialmente estaban orgullosos do seu traballo en Caress of Steel, o álbum demostrou ser un baixón comercial e de crítica para Rush xa que o son máis escuro e as composicións fantásticas do álbum non conseguiron atopar público e confundiron a algúns dos seus seguidores, poñendo as malas vendas á banda en perigo de ser botados de Mercury. A recepción mediocre impactou nas oportunidades de concertos da banda, o que os levou a bautizar a xira de promoción como Down The Tubes Tour. A pesar de ser visto máis positivamente polos fans da banda en retrospectiva, Ultimate Classic Rock sinalou que o álbum aínda é considerado "a ovella negra do seu catálogo".

Listaxe de cancións

Tódolos temas escritos e compostos por Geddy Lee, Alex Lifeson e Neil Peart, agás onde se indique. 

Cara 1
N.º	Título	Escritor(es)	Duración
1.	"Bastille Day"		4:34
2.	"I Think I'm Going Bald"		3:41
3.	"Lakeside Park"		4:09
4.	"The Necromancer" I. "Into the Darkness" – 4:20 II. "Under the Shadow" – 4:25 III. "Return of the Prince" – 3:51"		12:28

Cara 2
N.º	Título	Escritor(es)	Duración
1.	"The Fountain of Lamneth" I. "In the Valley" – 4:18 II. "Didacts and Narpets" – 1:00 III. "No One at the Bridge" – 4:21 IV. "Panacea” (Lee/Peart) – 3:16 V. "Bacchus Plateau” (Lee/Peart) – 3:15 VI. "The Fountain" – 3:50"		19:57