Beyond

Beyond é o oitavo álbum de estudio da banda estadounidense de rock alternativo Dinosaur Jr., publicado o 1 de maio de 2007 a través do selo Fat Possum Records. Foi o seu primeiro disco nunha década despois do Hand It Over de 1997, e o primeiro coa formación orixinal do grupo dende o Bug de 1988.

Beyond
Álbum de Dinosaur Jr.
Publicado	1 de maio de 2007
Gravación	setembro-decembro de 2006
Estudio(s)	Bisquiteen, Amherst
Duración	49:34
Xénero(s)	rock alternativo, indie rock, noise rock
Selo(s)	Fat Possum Records
Producido por	J Mascis
Cronoloxía
Hand It Over Beyond Farm

Promoción

A banda planeou unha xira mundial en 2007 e tocou o tema "Almost Ready" no programa Late Show with David Letterman para promocionar o álbum. Realizouse un vídeo para "Been There All the Time", con Thurston Moore de Sonic Youth e a súa filla Coco. O vídeo foi dirixido por Matt Dillon.

Edición

O álbum foi publicado a través do selo Fat Possum Records nos Estados Unidos e a través de Play It Again, Sam en Europa, Australia, Nova Zelandia e o Xapón. Tamén foi editado en Ucraína a través do selo Moon Records. As versións de edición limitada tanto de Fat Possum como de PIAS conteñen un disco de 7" extra co tema "Yer Son". Os respectivos selos reeditarían o álbum en 2014, 2015 e 2016, tendo o último deles unha versión descargable en MP3.

Listaxe de cancións

Tódolos temas escritos e compostos por J Mascis agás onde se indique. 

N.º	Título	Escritor(es)	Duración
1.	"Almost Ready"		3:08
2.	"Crumble"		4:04
3.	"Pick Me Up"		6:32
4.	"Back to Your Heart"	Lou Barlow	4:31
5.	"This Is All I Came to Do"		5:21
6.	"Been There All the Time"		3:40
7.	"It's Me"		5:14
8.	"We're Not Alone"		4:35
9.	"I Got Lost"		4:37
10.	"Lightning Bulb"	Barlow	3:45
11.	"What If I Knew"		4:01
49:34

Cancións extra da edición xaponesa
N.º	Título	Duración
11.	"Yer Son"	2:51
12.	"Tiny Town"	0:40