Benito Blanco-Rajoy
Benito Blanco-Rajoy Espada, nado na Coruña o 12 de abril de 1891[1] e finado na mesma cidade o 29 de setembro de 1968,[2], foi un político galego.
| Benito Blanco-Rajoy | |
|---|---|
| Nacemento | 12 de abril de 1891 |
| Lugar de nacemento | A Coruña |
| Falecemento | 29 de setembro de 1968 |
| Lugar de falecemento | A Coruña |
| Nacionalidade | España |
| Alma máter | Universidade de Santiago de Compostela |
| Ocupación | avogado, político e avogado do estado |
| Premios | Gran Cruz da Orde de San Raimundo de Peñafort e Cruz de Honra da Orde de San Raimundo de Peñafort |
| [ editar datos en Wikidata ] | |
Traxectoria editar
Fillo do senador e deputado Ramón Blanco-Rajoy Poyán. Licenciouse en dereito en 1911 na Universidade de Santiago de Compostela, e doutorouse en 1913 na Universidade de Madrid. Ingresou nese mesmo 1913 no Corpo de Avogados do Estado por oposición. Iniciou en 1919 a súa carreira política ao ser elixido deputado polo distrito de Corcubión coa etiqueta do Partido Conservador datista, resultando reelixido en 1920 e 1923, aínda que xa adscrito ao maurismo. Nas Cortes Españolas destacou pola súa participación no debate da reforma do Código de Comercio. En 1921 asumiu o posto de director xeral dos Rexistros e do Notariado.
Durante a Segunda República Española continuou coa súa actividade política, foi deputado independente nas Cortes de 1931 e pola CEDA nas de 1933 e 1936. Foi decano honorario do Colexio Provincial de Avogados da Coruña de 1930 a 1959[3].
Galardóns editar
- Gran Cruz de San Raimundo de Peñafort (1955).
Notas editar
- ↑ "BLANCO RAJOY Y ESPADA, BENITO". congreso.es. Consultado o 03-09-2017.
- ↑ Necrolóxica en La Voz de Galicia, 1-10-1968, p. 14.
- ↑ "Decanos". Arquivado dende o orixinal o 04 de xullo de 2011. Consultado o 28 de decembro de 2010.